«Qazaqty kannıbalızmge úgittep júrgen joqpyz ba?» - baspasózge sholý
***
Astananyń ózinde kún jyly. Al úıler men kabınetter qaınap tur. Úıdegi ystyq batareıalar beınebir dala temperatýrasymen jarysqa túsken be dersiz. Aýa temperatýrasy +20+25 gradýsty kórsetip tursa da, jylý berý ortalyqtarynan taraǵan energııa qaqaǵan aıazdardaǵydan bir kem emes. Bul qalaı sonda? Kún jylyda bosqa shashylǵan jylý, beı-bereket jumsalǵan shyǵyn ba?! Osy jaıt arqaý bolǵan maqala el gazeti «Egemen Qazaqstanda» «Jyly kúnderi jandyra bermesek qaıtedi?..» degen taqyryppen jaryq kórdi. «Ystyq kúnderdegi ystyq batareıalardan Astana jurtshylyǵy ázir qutylmaıtyn syńaıly. Bul jóninde keshe estidik. Jylda dástúrli túrde jylý maýsymy elordada sáýirdiń ortasynda toqtatylatyn. Alaıda bıylǵy jyly aldaǵy bolatyn salqyndyqtarǵa baılanysty Astanada jylý berý aıdyń úshinshi onkúndiginde ajyratylmaq. Sebep - sáýirdiń sońynda bolýy múmkin sýyqtardan saqtaný», - dep jazady basylym.
«Keshe Táýelsizdik saraıynda Qazaqmys toby otandyq taýar óndirýshilerdi qoldaýǵa arnalǵan «Qazaqstandyq ónim jasaımyz!» atty 4-shi forýmdy ótkizdi. Dástúrli sharaǵa memlekettik salalyq vedomstvolar men damý ınstıtýttarynyń ókilderi, iri ındýstrııalyq kompanııalardyń basshylary, sondaı-aq elimizdiń ár óńirinen kelgen kásipkerler qatysty», - dep jazady «Egemen Qazaqstan» gazeti búgingi sanyndaǵy «Otandyq úles artyp keledi» degen taqyryptaǵy maqalasynda. Basylymnyń atap ótýinshe, forýmda memlekettik salalyq vedomstvolar men damý ınstıtýttarynyń ókilderi otandyq úlesti damytýdaǵy tájirıbeler men baǵdarlamalar týraly áńgime qozǵady. Al Qazaqmys tobynyń jetekshileri kompanııanyń qyzmeti men satyp alý saıasatyn júrgizip otyrǵan aımaqtardaǵy shaǵyn jáne orta bıznesti qoldaý jóninde jáne jańa kásiporyndardy ashý týraly málimdeme jasady.
***
«Aıqyn» gazetiniń búgingi nómirinde Ulttyq ǵarysh agenttigi tóraǵasynyń orynbasary Meıirbek Moldabekovpen aradaǵy suhbat «Reseı - ǵarysh salasyndaǵy basty áriptesimiz» degen taqyryppen berilgen. Basylym tilshisiniń barlyq saýalyna tuşymdy jaýap bergen sheneýnik: «Ras, Reseıge Aqtóbe jáne Qostanaı oblystary aýmaqtarynan jer telimin berýdi qarastyratyn úkimetaralyq kelisim jobasy ázirlenip jatyr. Atalǵan aımaqtar «Baıqońyr» keshenin jalǵa berý kelisimshartynda kózdelmegen jańa qulaý aýdandary bolyp tabylady. Biraq ta osy jańa aýdandarǵa «Baıqońyr» ǵarysh aılaǵynan ushqan ekologııalyq zııandy «Proton» zymyran tasyǵyshynan bólinetin bólshekteri emes, «Soıýz» zymyran tasyǵyshynyń bólshekteri túsedi. «Soıýz» zymyran tasyǵyshy tabıǵı turǵydan taza janarmaıdy, atap aıtanda, ottegi men kerosındi pıdalanatyny belgili», - deıdi.
Osy basylymda «Qazaqty kannıbalızmge úgittep júrgen joqpyz ba?» degen taqyryppen maqala basylyp otyr. Jarııalanym avtorynyń jazýynsha, jaqynda bir aqparat agentti «molshylyq deńgeıiniń Besbarmaq ındeksi» degen boljam jarııalaǵan. «Qazaqstandyqtardyń molshylyq deńgeıiniń balama kórsetkishi ispettes besbarmaq (qazaqsha et) ındeksi boıynsha eń alda Atyraý oblysy, sońǵy orynda Taldyqorǵan oblysy keledi», delingen onda. Osyǵan qarap otyrsańyz, adamnyń bes barmaǵyn jeýden atalǵan oblys alda kele jatqan sııaqty kórinedi. «Redaktsııaǵa telefon shalǵan bir kisi nemeresiniń dál osy suraqty ózine jıi qoıatyndyǵyn aıtyp, «qazaqty kannıbalızmge úgittep júrgen joqpyz ba?» degen saýal qoıdy. Qudaı saqtasyn, biraq qazirgi tirligimiz - «Beshbarmaq» sózin jıi qoldaný qorqynyshty uǵymǵa aınala bastady», - deıdi maqala avtory.
***
«Keshe Qazaqstan Prezıdenti Nursultan Nazarbaev Astanaǵa jumys saparymen kelgen Qyrǵyz Respýblıkasynyń Prezıdenti Almazbek Atambaevpen kezdesý ótkizdi», - dep jazady «Kazahstanskaıa pravda» gazeti. Kezdesý barysynda yntymaqtastyqtyń túrli salalaryndaǵy ekijaqty qatynastardy odan ári damytýdyń jaı-kúıi men perspektıvalary, atap aıtqanda, Qazaqstan-Qyrǵyzstan birlesken ınvestıtsııalyq qory qyzmetiniń naqty baǵyttary qaraldy. Sonymen qatar, taraptar óńirdegi jaǵdaıdy, Eýrazııa keńistigindegi ıntegratsııalyq úderister barysyn, sondaı-aq ShYU-ǵa múshe memleketter basshylarynyń Bishkekte ótetin aldaǵy sammıti máselelerin talqylady.
