Qazaqtyń ulttyq taǵamdary Malaızııadan kelgen tóreshini tańǵaldyrdy
ASTANA. KAZINFORM – Malaızııadan kelgen Silk Way Star mega jobasynyń tóreshisi qazaqtyń ulttyq taǵamdaryn áńgimege arqaý etti. Dato Danıa Abdýl Ýahab bul týraly «JibekJoly» arnasyndaǵy «BúginLive» baǵdarlamasyna bergen suhbatynda aıtty.
Sheteldik meımanǵa qazy-qarta men jal-jaıa unaǵan. Ol sondaı-aq jylqynyń etinen alǵash ret jegenin jasyrmady.
– Men Qazaqstanǵa, Astana qalasyna alǵash ret kelip otyrmyn. Erekshe ári ásem qala eken. Arhıtektýrasy múldem bólek. Basqa shaharlarǵa uqsamaıdy. Sodan keıin qazaqtyń ulttyq taǵamdarynyń dámin tattym. Erekshe eken. Ásirese, shujyqtary qatty unady, - deıdi Dato Danıa Abdýl Ýahab.
Budan bólek ol qatysýshylarǵa baǵa berý qıyndyq týdyryp jatqanyn aıtty. Sebebi, ár úmitker óz elinde jeńimpaz atanǵandar. Sondyqtan eshkimniń de saǵyn syndyrǵysy kelmeıtinin jetkizdi.
Eske sala keteıik, buǵan deıin mektep ashanasynda tyıym salynatyn taǵam tizimi jańarǵanyn jazǵan edik.