Qazaqtyń ulttyq murasy Ystanbul sahnasynda jańasha jańǵyrdy

ASTANA. KAZINFORM –  Ystanbulda «Qazaqkontsert» ártisteri óner kórsetti. Bul týraly Mádenıet jáne aqparat mınıstrliginiń baspasóz qyzmeti habarlady. 

Roza Baǵlanova atyndaǵy «Qazaqkontsert» memlekettik akademııalyq kontserttik uıymynyń ártisteri Ystanbulda óner kórsetti.

Keshte ulttyq, dástúrli mura jańasha usynyldy. Kontsertke respýblıkalyq jáne halyqaralyq baıqaýlardyń laýreattary qatysty. Tanymal óner ıeleri ulttyq dástúr men tarıhı murany zamanaýı mýzykalyq óńdeýde oryndady.

Atap aıtsaq, Qurmanǵazy Saǵyrbaıulynyń, Úkili Ybyraıdyń, Qorqyttyń, Sáken Seıfýllınniń, Nurǵısa Tilendıevtiń, qazaq jáne túrik halyq ánderi men t.b. týyndylar usynyldy.

Іs-shara Qazaqstannyń mýzykalyq murasyn túrik halqyna tanystyryp, eki el arasyndaǵy mádenı-gýmanıtarlyq baılanystardy nyǵaıtýǵa arnalǵan alań boldy.

Aıta ketelik Ystanbuldyń eń iri kitaphanasynda Qazaqstannyń ǵylymı-ádebı buryshy ashylǵan edi.