Qazaqtyń Robın Gýdy: Almaty sotynda «Elge kómek» qoryna qatysty is qaralady

ALMATY. KAZINFORM – Almatyda «Elge kómek» qaıyrymdylyq qorynyń basshysy Іlııas Sarıevke qatysty sot protsesi ótip jatyr. 

Bul týraly agenttik saýalyna jaýap bergen Almaty qalalyq soty málimdedi.

— Atalǵan qylmystyq is 2025 jylǵy 11 shildede Almaty qalasy Almaly aýdandyq sotyna tústi. Іs boıynsha sot talqylaýy Qazaqstan Respýblıkasy Qylmystyq-protsestik kodeksiniń 29-baby talaptaryna sáıkes ashyq túrde júrgizilip jatyr, — dep habarlady sottan.

Eske salaıyq, sáýir aıynda «Elge kómek» qaıyrymdylyq qorynyń basshysy Іlııas Sarıev alaıaqtyq jasady degen kúdikke ilinip, ustalǵanyn jazǵanbyz. Ol ózin birneshe ret «qazaqtyń Robın Gýdy» dep ataǵan jáne áleýmettik jelidegi paraqshalarynda mýzykant, kontsert pen toı uıymdastyrýshy ekeni kórsetilgen.