Qazaqtyń oıý-órnegi jáne «Qarmaqshy jyraýlary» Islam álemi muralary tizimine endi

KAZINFORM – 2026 jylǵy 9–13 aqpan aralyǵynda Tashkent qalasynda Islam álemi bilim, ǵylym jáne mádenıet uıymy ISESKO-nyń Mádenı mura komıtetiniń 13-sessııasy ótti. Bul týraly QR Mádenıet jáne aqparat mınıstrligi habarlady.

Jıyn barysynda múshe memleketterden túsken 100-den astam ótinim qaralyp, Qazaqstan usynǵan eki nomınatsııa «Oıý-órnek» jáne «Qarmaqshy jyraýlary» – Islam álemi muralary tizimine endi.

«Oıý-órnek» – qazaq halqynyń dástúrli sándik-qoldanbaly óneriniń úlgisi. Al «Qarmaqshy jyraýlary» – Syr óńirindegi aýyzsha poezııa men mýzykalyq mura dástúrlerin saqtap kelgen jyraýlyq óner mektebi. Qabyldanǵan sheshim Qazaqstannyń Islam áleminiń materıaldyq emes mádenı murasyn saqtaý, zertteý jáne dáripteý isine qosqan úlesin taǵy bir márte aıǵaqtaıdy.

Atalǵan nomınatsııalardyń halyqaralyq tizimge enýi olardy odan ári qorǵaýǵa, ǵylymı turǵyda zerdeleýge jáne halyqaralyq deńgeıde nasıhattaýǵa yqpal etedi.

Aıta keteıik, buǵan deıin, ıaǵnı 2023 jyly ISESKO tizimine túrki órkenıetiniń basty nyshandarynyń birine aınalǵan dástúrli «Toǵyzqumalaq» oıyny qosylǵan bolatyn.

Mańǵystaýda óńirdiń salt-dástúri men ádet-ǵuryptaryn tanystyratyn kórme ashyldy.