Armanym chempıon bolý — qytaılyq boksshy

BEIJІŃ. KAZINFORM — «Armanym — bolashaqta Qanat Islam, Shafkat Rahmonov, Serik Sápıev syndy bylǵary qolǵap sheberi bolý. Atajurttaǵy qazaqtyń namysyn qorǵaý». Qytaı astanasy Beıjiń qalasynyń boks mektebinde tárbıelenip jatqan qandas Peıil Shapaǵatuly osylaı deıdi.

— Peıil, ózińizdi tanystyra ketseńiz? Beıjińde ne istep júrsiz?

— Shyńjańda Qulja qalasy Kúnes aýdanynda dúnıege keldim. Qazir osy Beıjiń qalasyndaǵy dene-tárbıe ýnıversıtetinde ekinshi kýrs stýdentimin. Sonda oqyp, jattyǵyp júrmin.

— Bokspen aınalysqanyńyzǵa qansha ýaqyt boldy?

— Bıyl jeti jylǵa jýyqtap qaldy.

— Osy jeti jylda qandaı jetistikterge qol jetkizip úlgerdińiz?

— Eń alǵash 2015 jyly Shyńjań ólkesi boıynsha ótken birinshilikte 72 keli salmaqta ekinshi orynǵa, al odan keıin Beıjiń qalalyq chempıonatynda 75 keli salmaqta top jardym. Al ótken jyly, ıaǵnı 2023 jyly búkil Qytaı Respýblıkasy boıynsha stýdentter arasynda ótken dodada 75 keli salmaqta taǵy da ekinshi oryndy jeńip aldym.

— Qazaq boksshylarynan kimderdi tanısyz? Kimderge uqsaǵyńyz keledi?

— Osy Beıjiń qalasynda Qazaqstannyń Qytaıdaǵy týrızm jyly ótedi degendi estip qatty qýanyp júrgen edik. Keshe ǵana osy is-sharaǵa Qanat Islam, Shafkat Rahmonov, Serik Sápıev aǵalarymyz kelgenin estip, tipten qýanyshymyzdy basa almaı birden osynda jettik. Osy aǵalarymyzben birge fotoǵa túsip, qoltańba alý — bizdiń armanymyz. Bolashaqta osy aǵalarymyz sııaqty bolǵymyz keledi. Biz de osy aǵalarymyzdaı chempıon bolýdy armandap júrmiz.

— Áńgimeńe raqmet!