Qazaqtyń dástúrli «Oıý-órnegi» resmı túrde ISESKO-nyń Islam álemi muralary tizimine endi
ASTANA. KAZINFORM - Tıisti sheshim 11 aqpanda ótken ISESKO Islam álemi muralary komıtetiniń 13-sessııasynda qabyldandy, dep málimdedi óziniń Facebook paraqshasynda QR Memlekettik Keńesshisi Erlan Qarın.
-Oıý-órnek – mádenı biregeıligimiz ben tarıhı sabaqtastyǵymyzdy nyǵaıtýǵa yqpal etetin negizgi etnomádenı kod. Oıý-órnektiń ISESKO-nyń bedeldi tizimine enýi – Qazaqstannyń materıaldyq emes mádenı murasyn halyqaralyq deńgeıde ilgeriletýdegi mańyzdy qadam. Buǵan deıin, ıaǵnı 2023 jyly ISESKO tizimine túrki órkenıetiniń basty nyshandarynyń birine aınalǵan dástúrli «Toǵyzqumalaq» oıyny qosylǵan bolatyn.
Prezıdenttiń Ulttyq quryltaı otyrystarynda bergen tapsyrmalaryna sáıkes, Qazaqstannyń mádenı mura nysandaryn ıÝNESKO jáne ISESKO tizimderine engizý jumysy jalǵasatyn bolady,-dep jazdy Erlan Qarın.
