Qazaqtyń balýan qyzdaryna olımpıadaǵa bir de bir joldama buıyrmady

BІShKEK. KAZINFORM — Qyrǵyzstan astanasy Bishkek qalasynda kúres túrlerinen ótip jatqan lıtsenzııalyq týrnırde áıelder kúresinen bir de bir burymdy balýanymyz joldamaǵa qol jetkize almady.

Búgin qazaq qyzdarynan sońǵy bolyp boz kilemge kóterilgen álem chempıonatynyń 3 márte júldegeri, 76 kelidegi Jámıla Baqbergenova sheshýi beldesýde Qytaı balýany Vangke 1:6 esebimen jol berdi.

Osylaısha áıelder kúresinde Qazaqstan ulttyq quramasy bir de bir joldamaǵa qol jetkize almady.

Naqtyraq aıtsaq, 50 keli salmaqta Laýra Ǵanıqyzy sheshýshi sátte Azııa chempıonatynyń 6 márte júldegeri Vanıshke 0:10 esebimen ese jiberse, 53 kelidegi ulttyq quramanyń tájirıbeli balýany Juldyz Eshımova jartylaı fınalda Soltústik Koreıa balýany Hıýgýng Choǵa 0:4 esebimen jol berdi.

Osylaısha jartylaı fınalǵa shyqqan úsh balýan qyzymyzdyń úsheýi de Azııa qurlyǵynyń irikteý jarysynda joldamaǵa qol jetkize almady.

Esterińizde bolsa osyǵan deıin áıelder kúresinen úsh balýanymyz jartylaı fınalǵa shyqqan edi. 

Atalǵan lıenzııalyq týrnırde Olımpıada joldamasy tek fınalǵa shyqqan balýandarǵa beriledi.

Kúrestiń úsh túrinen 18 salmaq dárejesinde 36 lıtsenzııa sarapqa salynyp jatyr. Al úshinshi jarys kúni grek-rım kúresiniń balýandary synǵa túsedi.

Esterińizge sala keteıik, keshe birinshi jarys kúni erkin kúres sheberleri Olımpıada joldamasyn sarapqa saldy.

Nátıjesinde 97 keli salmaqta Álisher Erǵalı men 125 keli salmaqta ıÝsýp Batyrmurzaev Parıj olımpıadasyna joldama aldy.