Qazaqtildi ustazdar orys tilin bilýden saıysty
QYZYLORDA. QazAqparat - Qyzylordada qazaqtildi ustazdar orys tilin bilýden ózara saıysqa tústi, dep habarlaıdy QazAqparat HAA tilshisi.
Qazaly aýdany ákimdiginen málim etkendeı, «Oı - sana» atty orys tili bilgirleriniń aýdandyq baıqaýyn mádenıet jáne tilderdi damytý bólimi men bilim bólimi uıymdastyrǵan.
Saıysqa 10-ǵa jýyq talapker qatysty. Olar birinshi kezeńde orys tiliniń leksıkasy men grammatıkasyn bilýge arnalǵan test tapsyrmalaryn oryndady. Ekinshi kezeńniń jazbasha bóliginde berilgen taqyrypta esse jazsa, vıktorınalyq bóliginde orys tili men ádebıetine, osy halyqtyń mádenıeti men salt-dástúrine arnalǵan suraqtarǵa jazbasha jaýap berdi. Al úshinshi kezeńde kez kelgen janrdaǵy mátindi mánerlep oqýdan synǵa tústi.
Arnaıy qurylǵan qazylar alqasynyń quramynda aýdandyq bilim bóliminiń ádiskeri Ulan Qalıev, №249 mektep-lıtseıdiń orys tili pániniń muǵalimi Shamshyraq Jarasova, aýdandyq mádenıet jáne tilderdi damytý bóliminiń jetekshi mamany Raısa Tasybaeva boldy.
Nátıjesinde birinshi oryndy №249 mektep-lıtseıdiń muǵalimi Elvıra Qojahmetova jeńip alsa, júldeli ekinshi oryndy №258 mekteptiń muǵalimi Sándigúl Jalǵasbaı, úshinshi oryndy №70 mekteptiń muǵalimi Nazgúl Saǵyndyqova ıelendi.
Jeńimpazdar arnaıy dıplomdarmen jáne baǵaly syılyqtarmen marapattaldy.
