«Qazaqtildi saıttardyń ulttyq syılyǵy» baıqaýy jalǵasýda
Bul týraly atalǵan qordyń baspasóz qyzmeti habarlady.
Baıqaýdyń maqsaty - Qazaqstandaǵy ınternet júıesiniń qarqyndy damýyna, sonyń ishinde aqparattyq resýrstar men servısterdi damytýǵa, qoǵamnyń aqparattyq mádenıettiligin joǵarylatýǵa, jelilik qaýymdastyqqa jańa paıdalanýshylardy tartýǵa, qazaqtildi úzdik resýrstardyń Internet jelisindegi tanymaldylyǵyn arttyrýǵa yqpal etý.
Baıqaýdyń bas demeýshisi - «Samuryq-Qazyna» aktsıonerlik qoǵamy 5 atalym boıynsha anyqtalatyn jeńimpazdarǵa 150 000 teńgeden syıaqy taǵaıyndady.
«Qazaqtildi saıttardyń ulttyq syılyǵy» baıqaýynyń
EREJESІ
Baıqaýdy uıymdastyrýshy: Memlekettik tildi damytý qory
Baıqaýdyń bas demeýshisi: «Samuryq-Qazyna» aktsıonerlik qoǵamy
Baıqaýdyń maqsat-mindetteri:
Qazaqstandaǵy ınternet júıesiniń qarqyndy damýyna, sonyń ishinde aqparattyq resýrstar men servısterdi damytýǵa, qoǵamnyń aqparattyq mádenıettiligin joǵarylatýǵa, jelilik qaýymdastyqqa jańa paıdalanýshylardy tartýǵa, qazaqtildi úzdik resýrstardyń Internet jelisindegi tanymaldylyǵyn arttyrýǵa yqpal etý.
Baıqaýǵa táýelsizdik jyldary qalyptasqan qundylyqtarymyzdy úzdiksiz nasıhattap, memlekettik tildiń qyzmet etý aıasyn keńeıtý, mártebesin nyǵaıtý maqsatymen qoǵam ómirinde belsendilik tanytyp, ótkir de ózekti maqalalar jarııalap júrgen ınternet saıttar qatysa alady.
Baıqaýdyń mindeti:
- Elimizde qazaq tilinde aqparat taratyp, qoǵamdaǵy ózekti máselelerdi der kezinde kóterip, taldap-saraptap, óz oqyrmanyna shynaıy aqparat jetkizýde belsendilik tanytyp júrgen úzdik ınternet resýrstaryn qoldaý;
- Qazaqtildi ınternet resýrstardyń jurtshylyqtyń, óskeleń urpaqtyń patrıottyq sezimin, tili men mádenıetine, tarıhyna degen qyzyǵýshylyqtaryn qalyptastyrý men arttyrýdaǵy rólin aıqyndaý;
- Saıt qoldanýshylarynyń aqparattyq-kommýnıkatsııalyq tehnologııany (AKT) belsendi paıdalanýǵa jumyldyrý.
Baıqaý atalymdary:
-
«Ótkir til - memlekettik tildi jáne ulttyq qundylyqtardy nasıhattaýshy úzdik saıt»;
-
«Rýhanı azyq - ádebıet pen mádenıetti nasıhattaýshy úzdik saıt»;
-
«Tereń izdenis - qazaq eliniń tarıhyn nasıhattaýshy úzdik saıt»;
-
«Shynaıy ómir - qoǵamdaǵy ózekti máselelerdi kóterýshi úzdik saıt»;
-
«Sport tynysy» - salaýatty ómir salty men sportty nasıhattaýshy úzdik saıt».
Baıqaý talaptary:
-
Ǵalamtor keńistiginde keminde bir jyl boıy jumys istep, qazaq tilinde aqparat taratatyn jáne qyzmet túri Qazaqstan Respýblıkasynyń qoldanystaǵy zańnamasyna qaıshy kelmeıtin kez kelgen saıt qatysa alady;
-
Baıqaýǵa úkimettik emes, táýelsiz, qoǵamdyq saıttar qatysa alady;
-
Baıqaýǵa memlekettik organdardyń, sheteldik uıymdardyń, buqaralyq aqparat quraldarynyń elektrondy nusqalary (gazet, tv, radıo) qatysa almaıdy.
Baıqaý sharttary:
-
Saıt aqparattarynyń tek qazaq tilinde taratylýy;
-
Qazaq tili men ulttyq qundylyqtardyń dáriptelýi;
-
Patrıottyq taqyryptardyń úzdiksiz kóterilýi;
-
Saıttaǵy materıaldardyń jıi jańartylyp otyrýy;
-
Saıtty qoldanýshylar sanynyń az-kóptigi;
-
Portalda jarııalanǵan materıaldardyń qoǵamda qyzý talqyǵa túsýi;
-
Saıt dızaınynyń portal ustanymyna saı bezendirilýi;
-
Áleýmettik jelilerge, olardyń ishinde Twitter, Facebook, VKontakte jáne t.b. shyǵý múmkindiginiń qamtamasyz etilýi esepke alynady jáne zerdelenedi.
Baıqaýǵa qatysý úshin tómendegideı materıaldar joldanady:
-
Saıttyń domendik ataýy;
-
Saıttyń bas betiniń skrınshoty;
-
«Zero reıtıngtik kompanııasy» usynatyn saıt qoldanýshylary týraly bir aılyq sandyq kórsetkish;
-
Saıttyń bas redaktory men ujymy jóninde qysqasha málimet;
-
Saıttyń baǵyty men tarıhy týraly qysqasha aqparat;
-
Ujymnyń qol jetkizgen jetistikteri týraly málimet.
BAIQAÝ JEŃІMPAZDARYN ANYQTAÝ ShARTTARY:
Baıqaý jeńimpazdaryn qoǵam qaıratkerleri, aqyn-jazýshylar, qalamger-jýrnalıster men sala mamandarynan jasaqtalǵan qazylar alqasy anyqtaıdy.
Baıqaýdyń bas demeýshisi «Samuryq-Qazyna» aktsıonerlik qoǵamy 5 atalym boıynsha anyqtalatyn jeńimpazdarǵa 150 000 teńgeden syıaqy taǵaıyndady.
Baıqaýǵa usynylatyn materıaldar 2013 jylǵy 1 jeltoqsanǵa deıin myna meken-jaıǵa joldanýy tıis: 010000, Astana qalasy, Orynbor kóshesi, 8 úı, «Mınıstrlikter Úıi», 5-kireberis, 906 bólme, Memlekettik tildi damytý qorynyń «Qazaqtildi saıttardyń ulttyq premııasy» respýblıkalyq baıqaýyna.
Baıqaý materıaldaryn: info@qazaq-found.kz elektrondy adresine jiberýge bolady.
Qazylar alqasynyń saraptaýynan ótip, úzdik dep tanylǵan jeńimpaz ınternet-saıttar 2013 jylǵy jeltoqsanda Táýelsizdik Kúni merekesi qarsańynda anyqtalady.
Marapattaý rásimi Astana qalasynda ótedi (qosymsha habarlanady).
Baılanys telefondary: 74-29-09, 74-36-90
