«Qazaqtildi Internet-saıttar ulttyq syılyǵy» baıqaýynyń qorytyndysy shyǵaryldy
ASTANA. 10 jeltoqsan. QazAqparat - Búgin, Táýelsizdik kúni merekesi qarsańynda Astana qalasynyń Ulttyq baspasóz-klýbynda Memlekettik tildi damytý qory qyrkúıekte jarııalaǵan «Qazaqtildi Internet-saıttar ulttyq syılyǵy» baıqaýynyń qorytyndysyna arnalǵan baspasóz máslıhatyn ótkizildi.
Bul týraly atalǵan qordyń baspasóz qyzmeti habarlady.
Sharaǵa Qor Qamqorshylyq keńesiniń múshesi, QR Parlamenti Májilisiniń depýtaty Nurtaı Sábılııanov, «Eýrazııa» birinshi arnasy» bas dırektorynyń birinshi orynbasary Muhtar Erman, Qor Saraptamalyq keńesiniń múshesi, jazýshy, jýrnalıst Bolat Júnisbekov, belgili telejýrnalıst ıÝlııa Kýshnareva jáne Memlekettik tildi damytý qorynyń dırektory Azat Sháýeev qatysty.
Bul - qazaqstandyq ınternet-keńistikti, aqparattyq rýsýrstar men servısterdi damytý, úzdik kazaq tildi ınternet-resýrstardy nasıhattaý maqsatyndaǵy Qor jarııalaǵan alǵashqy baıqaý.
Baıqaýǵa qatysýǵa barlyǵy 12 ótinim tústi. Baıqaý komıssııasy jeńimpazdardy 5 atalym boıynsha anyqtady. «Ótkir til» atalymynda memlekettik til men ulttyq qundylyqtardy nasıhattaýshy eń úzdik ınternet-saıt bolyp www.ult.kz aqparattyq portaly tanyldy. «Rýhanı azyq» atalymynda eń úzdik bolyp ádebıet pen mádenıetti nasıhattaýshy www.massagan.com ınternet-saıty tańdaldy. «Tereń izdenis» atalymynda tarıhymyzdy nasıhattatap júrgen www.abay.kz saıty eń úzdik atandy. «Shynaıy ómir» atalymynda qoǵamdaǵy ózekti máselelerdi kóteretin www.minber.kz jáne «Sport tynysy» atalymynda sport pen salaýatty ómir saltyn nasıhattaıtyn www.alasharena.kz saıty jeńimpaz boldy.
Baıqaý jeńimpazdary bas demeýshi «Samuryq-Qazyna» AQ-dan 150 000 (júz elý myń) teńge kóleminde aqshalaı syılyqpen, atalym boıynsha arnaıy músinshelerimen men Memlekettik tildi damytý qorynyń arnaıy dıplomdarymen marapattaldy.
