Qazaqtildi emes mektep oqýshylary arasynda «Elimiz Eýropa tórinde» degen taqyryppen shyǵarma jazý konkýrsy ótedi
STANA. Aqpannyń 11-i. QazAqparat - Memlekettik tildi damytý Prezıdenttik qory qazaqtildi emes mektepterdiń 7-9 synyp oqýshylary arasynda «Elimiz Eýropa tórinde» degen taqyryppen shyǵarma jazý konkýrsyn ótkizedi.
Konkýrstyń maqsaty - jasóspirimderdi otansúıgishtik rýhta tárbıeleý, qazaq tiline degen yntasyn arttyrý, shyǵarmashylyq izdeniske jumyldyrý.
Táýelsiz Qazaqstannyń damý tarıhynda qol jetkizgen bıik belesterin, órkendeý sátterin, tolaǵaı tabystaryn baıandaý, elimizdegi ultaralyq, etnosaralyq, dinaralyq kelisimniń mańyzdylyǵyn aıqyndaý taqyrybyn arqaý etetin konkýrs QR-nyń Eýropodaǵy qaýipsizdik jáne yntymaqtastyq uıymyna (EQYU) tóraǵalyq etý qurmetine arnalady.
Konkýrstyń sharttary men talaptary:
- Týyndylardy qabyldaý 2010 jylǵy naýryzdyń 1-i men maýsymnyń 1-i aralyǵynda júrgiziledi;
- Konkýrsqa qazaqtildi emes mektepterdiń 7-9 synyp oqýshylary qatysa alady;
- Konkýrs talaby: týyndylardyń ádebı-kórkemdik jaǵy, tárbıelik-tanymdyq mazmuny;
- Esse kólemi 3 betten aspaýy jáne 14 ólshemdi Times New Roman qarpimen terilýi qajet;
- Úzdik týyndylar «Ulan» gazetinde jarııalanyp, arnaıy dıplomdarmen jáne aqshalaı syılyqtarmen marapattalady.
Úmitkerler óz týyndysyn «Ulan» gazetiniń redaktsııasyna hat, faks arqyly nemese elektrondyq poshtamen jibere alady. Joldanǵan hatta avtordyń tolyq aty-jóni, múmkindigine qaraı fotosýreti, mekenjaıy, telefony, mektebi, synyby týraly málimet tolyq kórsetilýi tıis.
Hat «Ulan» gazetiniń redaktsııasyna ««Elimiz Eýropa tórinde» konkýrsyna» degen belgimen joldanýy kerek.
