Qazaqtildi búldirshinderdi shahmat oınaýǵa úıretetin kitap shyqty
ALMATY. QazAqparat - Qazaqtildi búldirshinderge shahmatty úıretýge arnalǵan kitap shyqty. «Eń aqyldy balalarǵa arnalǵan shahmat jazbalaryn» shahmattan álemniń 12-shi chempıony, reseılik Aleksandra Kostenıýk jazyp shyqty, dep habarlaıdy QazAqparat tilshisi.
96 betten turatyn jumys dápteri mektep jasyna deıingi balalarǵa jáne bastaýysh synyp oqýshylaryna arnalǵan.
Jas oqyrman kitaptaǵy ertegi keıipkerleriniń kómegimen sıqyrly shahmat álemimen tanysyp, oıynnyń erejelerin ıgerýge jáne logıka men zııatkerlik qabiletin damytýǵa múmkindik alady. Arnaıy iriktelgen jattyǵýlardy oryndaı alady.
«Aleksandra Kostenıýk kitapty memlekettik tilde shyǵarýǵa barlyq quqyqtardy bizdiń qorǵa qurmetpen usyndy. Sondaı-aq basylymnyń ıdeıasyna Qazaqstandyq shahmat federatsııasy da qoldaý kórsetti. Taralym reseılik shahmat jazýlary basylǵan tap sol tıpografııada shyǵaryldy. Biz kitaptyń aýdarmasyn jasadyq, Almatydaǵy kitap dúkenderimen kelisimshart jasaldy. Endi kitaptardy Astana qalasyna jetkizý máselelerin sheship jatyrmyz, - dep habarlady Sh.Esenov atyndaǵy ǵylymı bilim berý qorynyń atqarýshy dırektory Aıǵanym Málisheva.
Mamandardyń aıtýynsha, Qazaqstanda memlekettik tilde shahmatty oqytatyn ádebıet múldem joq.
«Jazýlar tolyǵymen qazaqstandyq aýdıtorııaǵa beıimdelgen. Bul jaı ǵana aýdarma, orys basylymnan túsirilgen kóshirme emes. Biz dızaındy qaıta jasadyq. Sıqyrly Perızat - Aleksandramen birge balalardy sıqyrly shahmat patshalyǵyna Arman men Arýjan esimdi keıipkerler jeteleıtin bolady. Qazaqstanda shahmat oıynyn úıretetin ádebıet múlde joq. Biz qoǵamdyq pikirdi zertteı otyryp, mundaı kitaptar suranysqa ıe bolatynyna kóz jetkizip, jobany iske asyrdyq», - dedi basylymdy aýdarǵan qordyń baǵdarlamalar úılestirýshisi Jadyra Sarmanova
Qazir atalǵan kitap Almatydaǵy «Knıjnyı gorod», «Almatykitap», «Akademknıga» jelileriniń dúkenderine satylymǵa tústi. Eki aptadan soń kitap Astanadaǵy dúkenderge de túsetin bolady.
