«Qazaqtelekomnyń» qalalyq keńseleri 30 maýsymǵa deıin jumys istemeıdi

NUR-SULTAN. QazAqparat - «Qazaqtelekom» AQ qalalardaǵy jeke tulǵalarǵa qyzmet kórsetetin keńseleri 19-30 maýsym aralyǵynda jabyq bolady. Bul jóninde kompanııanyń qoǵammen baılanys qyzmetine silteme jasap QazAqparat habarlaıdy.

Abonentterge qyzmet kórsetý onlaın-arnalarda júrgiziledi.

«Aýdan ortalyqtaryndaǵy jeke tulǵalarǵa qyzmet kórsetý keńseleri 19 maýsym men 30 maýsym aralyǵynda dúısenbi jáne senbi kúnderi saǵat 09:00-den 15:00-ge deıin jumys isteıdi. «Qazaqtelekom» AQ abonentterine yńǵaıly bolý úshin qyzmet onlaın baılanys arnalary arqyly usynylady» delingen habarlamada.

Mamandar WhatsApp jáne Telegram arqyly demalys jáne mereke kúnderin qosa alǵanda paıdalanýshylarǵa kún saıyn tańǵy 8.00-den keshki 23.00-ge deıin qyzmet kórsetýge daıyn.

Keńes alý úshin abonentter myna ádistermen habarlasa alady:

Telecom.kz saıtyndaǵy jeke kabınet

WhatsApp jáne Telegram + 7 (708) 000 01 60 nómiri boıynsha;

160 biryńǵaı baılanys ortalyǵy;

165 baılanys ortalyǵy (Ortalyqtandyrylǵan jóndeý bıýrosy).