«Qazaqtelekomdy» monopolıstik quqyqtan aıyrý qajet - D. Nazarbaeva
ASTANA. 15 qazan. QazAqparat - Elimizdegi ınternet jelisi qyzmetin monopolııadan aryltyp, «Qazaqtelekomdy» monopolıstik quqyǵynan aıyrý qajet. Búgin Parlament Májilisinde Básekelestikti qorǵaý agenttigi qyzmetiniń negizgi baǵyttary taqyrybynda ótken Úkimet saǵatynda depýtat Darıǵa Nazarbaeva osy máseleni kóterdi.
«Búgingi tańda elimizdegi «Qazaqtelekom» monopolıstik kompanııa bolyp otyr. Onyń múmkindikteri mol, bul týrǵydan Úkimetti de daýlasyp jeńe almaısyń. Osy salany básekelestik ortaǵa berý máselesin qarastyryp jatyrsyzdar ma? Óıtkeni, bundaı jaǵdaıǵa tolyq múmkindik te, naryqtaǵy oıynshylar da barshylyq. Endeshe osy salaǵa basqa da kompanııalardyń enýine jaǵdaı jasalýy kerek. Onyń ústine búgingi tańda ınternetsiz eshkim jumys isteı almaıdy», - dedi D. Nazarbaeva. Sonymen qatar, depýtat «Qazaqtelekomdy» demonopolızatsııalaýdy qarastyrý qajettigin aıtty.
