«Qazaqtelekom» jaqyn jyldary syrtqy naryqqa shyǵýǵa talpynbaıdy - Q. Esekeev
TANA. 3 qarasha. QazAqparat /Jasulan Amanbaıuly/ - «Qazaqtelekom» ulttyq baılanys operatory jaqyn jyldary syrtqy naryqqa shyǵýǵa talpynbaıdy.
Bul týraly búgin bnews.kz portalynda ótken onlaın-konferentsııa barysynda «Qazaqtelekom» AQ Basqarma tóraǵasy Qýanyshbek Esekeev málim etti.
«Biz ishki naryqtaǵy áleýettiń taýsylmaǵandyǵyn kórip otyrmyz, sondyqtan bul naryqta jumys jasaýǵa budan ári jalǵastyra bermekpiz», - deıdi ol.
Onyń aıtýynsha, syrtqy naryqqa shyqqansha, Qazaqstan naryǵyndaǵy qyzmettiń sapasyn arttyrýǵa kúsh salǵan áldeqaıda qısyndy.
«Jańa naryq - bul árbir úlken kompanııanyń aldynda turatyn úlken maqsat. Biz qazir ázirge álemdik jáne qarjylyq turaqtylyqtyń trendterin baqylap otyrmyz jáne jaqyn arada syrtqy naryqqa shyǵý týraly josparlar quryp jatqan joqpyz», - dep atap ótti Q. Esekeev.
