«Qazaqtelekom» ulttyq beınemonıtorıng júıesiniń operatory bolyp belgilendi
ASTANA. KAZINFORM — Qazaqstan Úkimeti ulttyq beınemonıtorıng júıesiniń operatoryn belgiledi, dep habarlaıdy Kazinform agenttiginiń tilshisi.
— «Qazaqtelekom» aktsıonerlik qoǵamy ulttyq beınemonıtorıng júıesiniń operatory bolyp belgilensin, — delingen Úkimet qaýlysynda.
Ulttyq beınemonıtorıng júıesiniń operatory «Kıberqaýipsizdik týraly» zańǵa sáıkes belgilendi.
Qaýly 2026 jylǵy 23 qazanda kúshine enedi.
Eske salaıyq, bıyl 1 qyrkúıekten bastap Qazaqstanda beınebaqylaý kameralaryn ornalastyrýǵa qatysty jańa talaptar kúshine endi.
Buǵan deıin Semeıde «Sergek» kameralary 123 myńnan astam jol qozǵalysy erejesin buzý deregin tirkegeni habarlanǵan edi.
