«Qazaqtelekom» Transformatsııa baǵdarlamasy aıasynda basqa da kompanııalardy satyp almaq

ASTANA. QazAqparat - «Qazaqtelekom» Transformatsııa baǵdarlamasy aıasynda basqa da kompanııalardy satyp almaq. Bul týraly búgin «Samuryq-Qazyna» AQ transformatsııa forýmy aıasynda BAQ ókilderine suhbat bergen «Qazaqtelekom» AQ basqarmasynyń tóraǵasy Qýanyshbek Esekeev málim etti.

«Biz qazirgi ýaqytta kez kelgen satyp alýdy qarastyryp otyrmyz. Bul - uzaq merzimdi daıyndyq. Strategııa bólikteriniń biri kez kelgen kompanııany jutý jáne qosyp alý. Bul shara tez arada tıimdi beredi. Siz mol qarjy shyǵyndamaı-aq belgili naryqty satyp ala alasyz. Biz kabeldi televıdenıe, bekitilgen telefonııa naryqtarynda dál osylaı jasadyq ári ony jalǵastyra beretin bolamyz», - dedi basqarma tóraǵasy.

Q.Esekeevtiń sózine qaraǵanda, búginde kompanııanyń barlyq ınvestıtsııasy ishki naryqqa baǵyttalyp otyr.

«Biz ishki naryqty qamtýǵa tıispiz. Ázirshe, taıaý eki jyldyń ishinde kompanııa syrtqy naryqqa ınvestıtsııa quıýdy josparlap otyrǵan joq», - dedi ol.