«Qazaqtelekom» Tele2 AB birikken kompanııadaǵy úlesiniń 49% satyp alady
NUR-SULTAN. QazAqparat - Búgin «Qazaqtelekom» kompanııasy shvetsııalyq Tele2 AB mobıldik operatorynyń 49% úlesin satyp alý týraly kelisimshartqa qol qoıdy, dep habarlaıdy QazAqparat tilshisi.
Eske salsaq, 2016 jyldyń aqpanynda taraptar «ALTEL» AQ jáne «Mobaıl Telekom-Servıs» uıaly segmentinde birlesken kásiporyn qurý týraly kelisim jasap, «Qazaqtelekom» 51% aktsıonerlik kapıtalǵa ıelik etken bolatyn. Bul joly Tele 2 ózine tıesili Khan Tengri Holding kásipornynyń 49% aktsııasyn da satý týraly sheshim qabyldap otyr.
«Qazaqtelekom» AQ tóraǵasy Qýanyshbek Esekeev munymen qosa «Ksell» AQ-nyń 75% aktsııasyn satyp alý arqyly telekommýnıkatsııa salasyna tyń serpin berý kózdelgenin aıtady.
«Bul kelisim «Qazaqtelekom» kompanııasynyń ınvestıtsııalyq tartymdylyǵyn arttyrady. Bıznesti ártaraptandyrý arqyly kompanııanyń aýqymy keńeıip, tabysy kóbeıedi» - deıdi Qýanyshbek Esekeev.
Eldegi uıaly operatorlardyń negizgi aktsıoneri sanalatyn «Qazaqtelekom» kompanııasy bul kelisimderdiń nátıjesinde el aýmaǵyna 5G ınternetti kirgizýdi josparlap otyr.
Tele2 komanııasy Qazaqstan naryǵynan shyǵatynyn rastap, Tele2 kompanııasynyń prezıdenti Anders Nılsonnyń pikirin jarııalady.
«Tele2 Qazaqstanda tabysty bıznes qura aldy. Birlesken kásiporyn arqyly klıentter bazasyn ulǵaıtyp, naryqtaǵy úlesti arttyrdyq. Sonyń arqasynda tabys tkóbeıip, qyzmet sapasy joǵarylady. Baılanys sapasyn artyrý arqly árbir qoldanýshynyń tutyný kórsetkishin eki esege arttyrdyq» - delingen kompanııa taratqan aqparatta.
Foto: press-slýjba KT
