«Qazaqtelekom» - «Samuryq-Qazyna» enshiles kompanııalarynyń ishinde korporatıvtik basqarý jaǵynan kóshbasshy

ASTANA. 4 jeltoqsan. QazAqparat - «Qazaqtelekom» AQ 2013 jyly «Samuryq-Qazyna» AQ enshiles kásiporyndary qurylymy arasynda korporatıvtik basqarý reıtıngi deńgeıi boıynsha kóshbasshy bolyp tanyldy, dep habarlaıdy Halyqtyq IPO baǵdarlamasynyń resmı saıty kompanııa baspasóz qyzmetine silteme jasap.

«Samuryq-Qazynanyń» bes enshiles uıymyndaǵy korporatıvtik basqarý deńgeıine táýelsiz dıagnostıkany 2012 jyl men 2013 jyldyń birinshi jarty jyldyǵy arasynda Pricewaterhouse Coopers (PwC) júrgizgen. Onyń nátıjesine sáıkes, «Qazaqtelekom» AQ korporatıvtik basqarý deńgeıi 80,2%-dy qurady. Kompanııa 2022 jyly bul kórsetkishti 85%-ǵa deıin arttyrýda josparlap otyr.

Aıta keteıik, «Qazaqtelekom» - jarııaly kompanııa. Onyń aktsııalary 1997 jyldyń qazan aıynan beri Qazaqstan qor bırjasynda (KASE) satylyp keledi. 2013 jyldyń 1 qazanyndaǵy jaǵdaı boıynsha, «Samuryq-Qazyna» AQ «Qazaqtelekom» qarapaıym aktsııalarynyń 51,96%-y tıesili, qarapaıym aktsııalarynyń taǵy 27%-y Nıderlandııada tirkelgen eki jekemenshik kompanııanyń qolynda. Jyl ishinde «Qazaqtelekomnyń» aktsııalary lıkvıdtiligi boıynsha KASE-te «QazTransOıldan» keıin ekinshi oryn aldy. Onyń saýda-sattyǵynyń jyldyq kólemi 4,9 mlrd. teńge boldy.