«Qazaqtelekom» men Alcatel-Lucent kompanııalary elordada gıgabıttik passıvti optıkalyq jelini iske qosty
ASTANA. 20 qańtar. QazAqparat - Alcatel-Lucent kompanııasy elordada alǵashqy gıgabıttik passıvti optıkalyq jelini (GPON) óristetýdi aıaqtady.
Taratylǵan málimetterge qaraǵanda, Qazaqstannyń jetekshi baılanys operatory «Qazaqtelekom» kompanııasy jeke abonentter men korporatıvtik tapsyrys berýshiler úshin beıne kórýge arnalǵan (VoD) jáne joǵary jyldamdyqty Internetke kirý sekildi qazirgi zamanǵy keńjolaqty qyzmet túrlerin jetkizý maqsatynda jańa jelini qoldanatyn bolady. Atalǵan jelini óristetý qoldanystaǵy xDSL jelisiniń ınfraqurylymyn talshyqty-optıkalyq tehnologııalarmen almastyrý jónindegi «Qazaqtelekom» kompanııasynyń strategııalyq josparyn júzege asyrý boıynsha alǵashqy qadamy bolyp tabylady.
GPON tehnologııasyn qoldaný arqyly «Qazaqtelekom» kompanııasyna Qazaqstan aýmaǵyndaǵy keńjolaqty Internet úlesin arttyrýǵa múmkindik bermek.
Alcatel-Lucent belgilengen keńjolaqty jeli salasynyń álemdik kóshbasshysy bolyp tabylady. Kompanııa atalǵan naryqta dybys, beıne jáne basqa da málimetterdi taratýǵa arnalǵan sheshimderdiń eń iri ornyqqan bazasyna qoldaý kórsetedi.
