«Qazaqtelekom» kompanııasynyń qyzmet kórsetýden túsken kirisi 173 436 mln. teńgeni qurady

Bul jaıynda atalǵan kompanııanyń 2011 jyldaǵy jumysty qorytyndylaýǵa arnalǵan málimetterinde aıtyldy.

Qazaqstannyń 100 turǵynyna shaqqandaǵy telefon tyǵyzdyǵy 24,05 telefondy, onyń ishinde qalalyq jerde - 31,58, aýyldarda - 15 telefondy qurady.

CDMA-450 jelisin keńeıtý jumystaryn júrgizý nátıjesinde Ońtústik Qazaqstan, Almaty, Jambyl, Aqtóbe, Qostanaı jáne Pavlodar oblystarynyń abonentteri ınternet jelisine qosylý múmkindigin aldy. 2011 jyldyń aıaǵynda jeliniń qurastyrylǵan syıymdylyǵy 364 682 nómirdi qurady. Jeliniń áreket etý aımaǵyn 4596 aýyldyq eldi mekendi (504 bazalyq stansy) qamtıdy.

Jobany júzege asyrý nátıjesinde ótken jyly 80 bazalyq stansy, 11 SRRJ, 21 SE jerseriktik júıeniń jabdyǵy qurastyryldy, 7 shaqyrymnan astam talshyqty-optıkalyq baılanys jeli joldary salyndy.

Keleshekte 2012-2015 jyldarǵa arnalǵan CDMA-450 jelisin damytý jobasymen 500 myńnan astam abonentti qosa otyryp, 396 bazalyq stansy qoldanystaǵy CDMA-450 jelisin keńeıtý qarastyrylǵan. Búkil el aýmaǵynda 0,5 Mbıt/s deıingi jyldamdyqta symsyz KJQ qyzmetterin jyldamyraq usyný úshin EV-DO tehnologııasymen qoldanystaǵy CDMA jelisin jańǵyrtý josparlanady. 2012 jyly oǵan Qazaqstannyń barlyq aımaǵyndaǵy 25 250 abonentti qosý josparlanady.

Aıta keteıik, bıyl «Qazaqtelekom» AQ-da 2012-2015 jyldarǵa arnalǵan ınnovatsııalyq damý strategııasy ázirlendi. Ony júzege asyrý aıasynda engizilgen tehnologııalyq jáne basqarý sheshimderinen barynsha ońtaıly kórsetkishti qamtamasyz etý maqsatynda ınnovatsııalardy basqarý úrdisin engizý júrgizilýde. 2011 jyly tehnologııalar men jobalardy engizýden barynsha tıimdilikke  jetý úshin «Qazaqtelekom» AQ-da Innovatsııalyq komıtet quryldy. Onyń mindetine kompanııanyń Údemeli ındýstrııalyq-ınnovatsııalyq damý baǵdarlamasyna qatysýyn belsendirý, ınnovatsııalyq jobalardy júzege asyrý jónindegi sheshimderdi qarastyrý men qabyldaý, satyp alý júıesinde qazaqstandyq qamtý úlesin arttyrý enedi.