Qazaqtelekom Kcell-di sata ma

ALMATY. KAZINFORM – Kcell-di satý josparda joq. Bul týraly «Qazaqtelekom» akıtsonerlik qoǵamynyń ınnovatsııalar jónindegi bas dırektory Nurlan Meıirmanov aıtty. 

– Bul máseleni quqyqtyq qujattar turǵysynan qarastyraıyq. Bizde Kcell-di satýǵa qatysty sheshim nemese jospar joq. Onyń ústine, biz strategııalyq turǵydan osy aktıvti damytýǵa jáne qyzmetterdi biriktirýge baǵyttalǵanbyz. Búkil ónim jelisi konvergentsııa prıntsıpterine negizdelgen – uıaly jáne tirkelgen baılanystardy qamtıtyn otbasylyq tarıfterdi qurý. Sonymen qatar biz Kcell-men birge jańa ónimderdi jasaý ústindemiz. Sondyqtan Kcell-di satý josparymyzda joq, - dep jaýap berdi Nurlan Meıirmanov BAQ ókilderi qoıǵan saýalǵa.

Ótken jyldyń sońynda Básekelestikti qorǵaý jáne damytý agenttigi Kcell-di jekeshelendirý baǵdarlamasyna qosýdy jáne kompanııany básekeles ortaǵa berýdi usyndy. Bul – Tele2 men Altel-di satý týraly mámilege uqsas shara. 

Eske salaıyq, 2024 jyly uıaly baılanys operatorlaryna 1 mlrd 184 mln teńge kóleminde aıyppul salyndy.