Qazaqtelekom ınterneti ne sebepti ýaqytsha istemeı qalǵany aıtyldy

ASTANA. KAZINFORM — 1 sáýirde «Qazaqtelekom» ulttyq telekommýnıkatsııalyq kompanııasynyń ınternetinen aqaý shyqty.

Bul aqparatty atalǵan kompanııanyń baspasóz qyzmeti rastady.

— 1 sáýir kúni saǵat 15:59–da ınternetke qoljetimdilikte ýaqytsha qıyndyq týyndady. Jelige qoljetimdilik dereý qalpyna keltirildi, — degen jaýap aldyq kompanııanyń baspasóz qyzmetinen.

Aqparatta aıtylǵandaı, qazir ınternet turaqty jumys istep tur. 

Aıta ketsek, jyl basynda qazaqstandyqtar birqatar servıske, onyń ishinde egov.kz memlekettik resýrsyn ashý kezinde qıyndyqtarǵa tap bolǵan edi. Artynsha «Qazaqtelekom» AQ osy jaǵdaıǵa túsinikteme berdi. 

Sondaı-aq elimizdiń ınternet jyldamdyǵy boıynsha álemdik reıtıngtegi kórsetkishiniń joǵarylaǵany týraly jazǵan bolatynbyz.

Eske sala ketsek, byltyr Telekommýnıkatsııalar komıteti baılanys operatorlaryna qatysty 357 tekserý júrgizdi. Nátıjesinde, 1 mlrd 184 mln teńge kóleminde aıyppul salyndy.