«Qazaqtelekom» fýnktsııalary men servısteri keńeıtilgen telecom.kz portalyn iske qosty
ASTANA. QazAqparat - «Qazaqtelekom» AQ-nyń jańartylǵan telecom.kz portaly iske qosyldy, dep habarlady kompanııanyń baspasóz qyzmetinen.
Bul portaldyń burynǵy nusqasynan ereksheligi, abonentter úshin kóbirek fýnktsııalardy atqarýynda jáne ol aqparattyq-taldaý saıtynan qyzmetterdi basqarý jáne onlaın tóleý múmkindigimen ınteraktıvti ınterfeısti portal fýnktsııasyna kóshti.
Jańartylǵan portaldyń zamanaýı dızaıny jáne paıdalanýshylardy kompanııanyń qyzmeti týraly aqparattandyrýdy, qyzmetter týraly aqparatqa qoljetimdilikti qamtamasyz etýdi, jeke tulǵalardan quralǵan abonentterdiń qyzmetterdi basqarý úrdisin ońtaılandyrýdy, keri baılanys júıesin qurýdy, onlaın rejiminde qyzmetke aqy tóleý múmkindigin qalyptastyrýdy qamtıtyn jańa fýnktsııalary bar. Tarıf pen qyzmetter paketin qolaıly tańdaý úshin «Qazaqtelekom» AQ-nyń barlyq qyzmeti - Internetke, televıdenıe, telefonııaǵa qoljetimdilik qyzmetteri, hostıng qyzmetteri jáne t.b. vırtýaldyq vıtrınasy qurylǵan. Portaldaǵy jeke kabıneti arqyly abonent kez kelgen ýaqytta sol nemese ózge qyzmetke qosylýdyń tehnıkalyq múmkindigin aıqyndap, qosylǵan qyzmetterdiń tizimin, osy aıdaǵy nemese ótken aılardaǵy tólemaqy túbirtekterin ala alady, tólem júrgizip, ishinara qyzmetterdi basqaryp, abonentke qatysty aqparatty alýǵa bolady. Tirkelgen paıdalanýshylar basqa uıymdardyń túrli qyzmetterine (tirkelgen, uıaly, jerseriktik baılanys, kabeldi jáne jerseriktik televıdenıe, Internet, t.b.) tólem júrgize alady. Tólem kartalarynyń derekteri portalda saqtalmaıdy - tólemder basqa tólem shlıýzi arqyly júzege asyrylady. «Qazaqtelekom» AQ qyzmetterine tólemdi «Qazkommertsbank» tólem kartasy arqyly portalda komıssııasyz qabyldaıdy. Basqa bankterdiń tólem kartasynyń ıegerleri portalda qyzmetke tólemdi 2015 jylǵy 20 mamyrdan bastap komıssııasyz tóleý múmkindigine ıe bolady. Resýrs kez kelgen qurylǵydan qoljetimdi. iOS jáne Android bazasyndaǵy qurylǵylar úshin mobıldik nusqa ázirlenýde. Mobıldik nusqanyń aqparattyq kontenti men fýnktsııalary portaldyq nusqasyna tolyq saı keletin bolady.
