Qazaqtelekom bıyl 9 myń shaqyrym baılanys jelisin qurdy

NUR-SULTAN. QazAqparat – «Qazaqtelekom» AQ jyl basynan beri 9 myń shaqyrym talshyqty-optıkalyq baılanys jelisin qurdy, oǵan eldegi 828 aýyldy qosý josparlanǵan, dep habarlaıdy QazAqparat.

«Bıylǵy naýryz-sáýir aılarynda bizdiń baılanys ortalyǵyndaǵy júkteme ulǵaıdy. Internet arqyly bizge táýligine 2,5 myńnan astam ótinish kelip túsetin. Abonentterdiń basty bóligin Internetke qosamyz. Bıyl biz 9 myń shaqyrymǵa jýyq talshyqty-optıkalyq baılanys jelisin qurdyq, oǵan elimizdiń 828 aýylyn qosý josparlanyp otyr. Onda shamamen 2 myń memlekettik mekeme, onyń ishinde ákimdikter, aýrýhanalar, mektepter ornalasqan. Aýyldarǵa optıkalyq talshyqtyń kelgen soń, bizdiń mobıldi baılanystarymyz da ashylady. Qazirgi ýaqytta aýdan ortalyqtarynyń, aýyldyq eldimekenderdiń negizgi bóligi ınternetke qosylǵan. Jyl sońyna deıin biz barlyq qajetti aýyldardy ınternetke qosamyz», - «Qazaqtelekom» AQ basqarma tóraǵasy Qýanyshbek Esekeev Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, Tele2 jáne Kcell operatorlary bazalyq stantsııalaryn ornatýdy bastady.

«Keshe óńirler boıynsha sholý jasap shyqtyq. «Qazaqtelekom» kompanııasy qajetti sapamen qamtamasyz etý úshin jańa oqý jylyna ázirlendi», - dedi Q. Esekeev.