Qazaqtelekom basshysy 5G jelisin engizýge qatysty túsinik berdi
«Qazirgi kezde elimizde smartfondarda paıdalanylyp júrgen 4G tehnologııasy keńinen taraǵan. Endi 5G iske qosylatyn jıilik spektory boıynsha jumystar atqarylýda. Nur-Sultan, Almaty jáne Shymkentte testilik aýmaqtardy qoıdyq. Testileý nátıjesi ınternettiń jaqsy nátıjesin kórsetti», - dedi Q. Esekeev Ortalyq kommýnıkatsııalar qyzmetinde.
Osy oraıda ol jańa tehnologııany damytýda baılanys operatorlary óziniń qarjysyn salatynyn jetkizdi.
«Operatorlar 5G engizýge qarjy salady. QR Tsıfrlyq damý, ınnovatsııalar jáne aeroǵarysh ónerkásibi mınıstrliginde osy taqyrypqa qatysty talqylaýlar júrgizilýde», - dedi kompanııa basshysy.
Onyń sózine qaraǵanda, bul turǵyda 5G jelisin birneshe operatordyń birlesip paıdalanýy týraly usynystar aıtyldy.
Budan buryn habarlanǵandaı, QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev adam densaýlyǵyna uıaly baılanys antennalarynyń áseri týraly pikir bildirdi.