«Qazaqtelekom» Básekelestikti qorǵaý agenttigi júrgizip jatqan tergeýge qatysty pikir bildirdi

ALMATY. KAZINFORM – Jaqynda Básekelestikti qorǵaý jáne damytý agenttigi «Qazaqtelekom» AQ-ǵa qatysty tergeý bastalǵanyn habarlaǵan bolatyn.

KASE alańynda «Qazaqtelekom» AQ qyzmetterdi jyljytý jáne tarıfter jónindegi basqarýshy dırektory Rýslan Berstembaev agenttik júrgizip jatqan tergeý qalypty protsess ekenin atap ótti.

— Men óz áriptesterimdi «baǵany ósirdi dep aıyptaý» jáne sol sııaqty tujyrymdardy qoldanbaý týraly eskertkim keledi. ıAǵnı, Básekelestikti qorǵaý jáne damytý agenttigi jyl saıyn salaǵa taldaý júrgizedi, onyń barysynda monopolııalyq túrde kóterilgen baǵa belgilerin anyqtaýǵa bolady. Tergeý — básekelestikti qorǵaý salasyndaǵy zańnamany buzýdy rastaıtyn nemese joqqa shyǵaratyn naqty derekterdi jınaýǵa baǵyttalǵan shara, — dedi ol.

Kompanııa qazir úsh negizgi tarıftik josparǵa qatysty tergeý júrgizilip jatqanyn rastady.

— Bul qalypty protsess. Tergeý — bizdiń ustanymymyzdy rastaıtynyna senimdimiz: kompanııanyń barlyq áreketteri zańǵa jáne básekelestik zańnamasynyń qaǵıdattaryna sáıkes júzege asyryldy. Onyń ústine «Qazaqtelekom» óte ashyq. Bizde shyǵyndardy bólek esepke alý júıesi bar, tarıfterdiń barlyq ózgeristeri naryqtyq básekemen de, qunnyń obektıvti ósýimen de negizdeledi. Sondyqtan bul tergeý biz úshin oń nátıje beretinine senimdimiz, — dedi spıker.

Buǵan deıin Básekelestikti qorǵaý jáne damytý agenttigi básekelestik deńgeıin aıqyndaý jáne taýar naryǵyna qoljetimdi etý kezindegi kedergilerin joıýǵa baǵyttalǵan sharalardy ázirleý maqsatynda symdy (tirkelgen) ınternet qyzmetteri naryǵyndaǵy básekelestiktiń jaı-kúıine josparly taldaýdy aıaqtaǵanyn jetkizgen edi. 

Sondaı-aq KCell, Tele2, Beeline kompanııalarynyń ústinen tarıf kóterý týraly «sóz baılasý» kúdigimen tekserý júrip jatqany týraly jazǵan edik.