Qazaqtelekom aktsııasyn qaıtarý kelisimshartynan daý týyndaıtyndaı negiz joq – mınıstr

NUR-SULTAN. QazAqparat – QR Ádilet mınıstri Qanat Mýsın «Qazaqtelekomnyń» 28,8% aktsııasyn memleketke syıǵa berý arqyly tabystaý protsedýrasynyń yqtımal quqyqtyq saldary týraly pikir bildirdi, dep habarlaıdy QazAqparat tilshisi.

«Melekettik múlik» týraly zań boıynsha, memlekettik múlik syıǵa berý arqyly da alynady. Zańnamada ondaı qalyp bar. Syıǵa berý týraly kelisishart zańda belgilengen tártippen iske asady, notarıýspen rastalady, búkil zań talaptary saqtalǵan.

Sondyqtan, erteń syıǵa berý kelisimshartyna qatysty daý týyndaýy múmkin, keıbir bólikteri boıynsha kelisimshart buzylady dep aıtýǵa negiz joq. Ondaı negiz bolmaıtynyna senimdimin», - dedi mınıstr ortalyq kommýnıkatsııalar qyzmetinde ótken brıfıngide.

Eske salsaq, «Qazaqtelekom» aktsııalarynyń 28,8 paıyzy memlekettik menshikke qaıtarylatyny habarlanǵan bolatyn.