«Qazaqtelekom» aktsııalary ne úshin satyldy – Samuryq-Qazyna túsindirdi

NUR-SULTAN. QazAqparat – «Samuryq-Qazyna» UÁQ» AQ aktıvterdi basqarý jáne jekeshelendirý jónindegi dırektsııa basshysy Almasadam Satqalıev «Qazaqtelekom» kompanııasynyń 10 paıyz aktsııasy nelikten «Biryńǵaı jınaqtaýshy zeınetaqy qory» AQ-ǵa satylǵanyn aıtty, dep habarlaıdy QazAqparat tilshisi.

«Memlekettik komıssııanyń otyrysynda «Qazaqtelekom» kompanııasy aktsııasynyń 10 paıyzyn «Biryńǵaı jınaqtaýshy zeınetaqy qory» AQ-qa satý týraly sheshim qabyldandy. Bul sheshim ne úshin qabyldanyp otyr? Qazirgi ekonomıkalyq jaǵdaıda biz telekommýnıkatsııa men ІT-qyzmetter naryǵy yntalandyrýǵa ıe bolyp, qyzmet aıasy keńeıgen salalardyń birine aınalǵanyn kórip otyrmyz. ıAǵnı, onlaın-qyzmetter kóleminiń artýymen, ınternet-servısterdiń iske qosylýymen bul naryq ınvestorlar úshin tartymdy salaǵa aınalyp keledi. Osy jaǵdaı erekshe eskerildi», - dedi Almasadam Satqalıev tikeleı efırde ótip jatqan baspasóz máslıhatynda.

Sonymen qatar kompanııa ókili «Qazaqtelekom» birinshiden memleket úshin strategııalyq, ekinshiden, jiti baǵalanbaı otyrǵan aktıv ekenin atap ótti.

«Osylaısha, bul strategııalyq aktıvti memlekettik baqylaýyna qaldyryp, ekinshiden, halyq úshin paıda kóbirek túsetindeı jumysty júrgizbekpiz. Úkimetke joldaǵan usynysymyzda satyp alýshy - «Biryńǵaı jınaqtaýshy zeınetaqy qory» AQ bolsa dep ótindik. Іzinshe, bul bastamamyz Úkimettiń de, Ulttyq banktiń de qoldaýyna ıe boldy. Qazirgi ýaqytta Ulttyq bankpen kelissózder júrgizilýde. Álbette, baǵa ındıkatory retinde aktsııanyń naryqtyq kotırovkasy eskeriletini belgili. Basqa da aktsıonerlerdiń múddesine nuqsan kelmeıtinin málimdegimiz keledi. Bul kelisim aktsıonerler qurylymyn da jaqsartady ári korporatıvtik basqarý júıesin de jetildire beremiz», - dedi ol.

Buǵan deıin «Samuryq-Qazyna» ulttyq ál-aýqat qorynyń basqarma tóraǵasy Ahmetjan Esimov «Biryńǵaı jınaqtaýshy zeınetaqy qory» «Qazaqtelekom» AQ-nyń 10 paıyz aktsııasyn satyp alatynyn aıtqan edi.

Búgingi onlaın efır barysynda Almasadam Satqalıev «Samuryq-Qazyna» aktıvterin bıyl ІRO-ǵa shyǵarýda aıtarlyqtaı qaýip baryn málim etti. ıAǵnı qazir ІRO-ǵa qoıylǵan jaǵdaıda kompanııalar baǵa jáne kólemi jaǵynan Úkimet qoıǵan parametrlik bazalarǵa jetpeı qalýy múmkin. Onyń aıtýynsha, 2021 jyly jekeshelendiriletin iri aktıvterdiń ishinde tek «Qazposhta» pen «Samuryq Energo» bar. Al 2022 jyly «Air Astana» men «Qazaq Air», sonymen birge «Samuryq-Qazynanyń» taý-ken kompanııasy, 2023 jyly «Qazaqstan temir joly» jekeshelendirilmek.

Sonymen qatar Almasadam Satqalıev «Samuryq-Qazyna» aktıvterin dál bıyl jekeshelendirýdiń aıtarlyqtaı qaýpi baryn aıtqan edi.