«Qazaqtelekom» aktsıonerleri 1,7 mlrd. teńge kóleminde dıvıdend almaq
ASTANA. 28 mamyr. QazAqparat - «Qazaqtelekom» AQ aktsıonerleriniń jyldyq jalpy jınalysy boldy.
Onda 2012 II-IV toqsandardyń qorytyndysy boıynsha qarapaıym aktsııalardyń árqaısysyna 161,03 teńge mólsherinde dıvıdend tóleý týraly sheshim qabyldandy, dep habarlady atalmysh kompanııanyń baspasóz qyzmeti.
Dıvıdend tóleýge 11 877 715 000 teńge taza paıdanyń 1 781 637 852 teńgesi baǵyttalatyn bolady.
«Osy kezeńniń qorytyndysy boıynsha dıvıdendter alýǵa quqy bar aktsıonerlerdiń tizimi 2 maýsymdaǵy jaǵdaı boıynsha tirkelgen. Qarapaıym aktsııalarǵa dıvıdendter tóleý 3 maýsymda júrgiziledi. Dıvıdendter aktsıonerdiń banktik shotyna qolma-qol aqshasyz tólem túrinde bir ret tólenedi», - delingen habarlamada.
