«Qazaqtelekom» AQ jáne Tele2 AV birlesken kásiporyn qurý týraly kelisimniń aıaqtalǵanyn málimdedi
ASTANA. QazAqparat - «Qazaqtelekom» AQ jáne Tele2 AV kompanııalary uıaly baılanys segmentinde birlesken kásiporyn qurý týraly mámileniń aıaqtalǵanyn habarlady. Aıta keteıik, 2015 jyldyń qarasha aıynda kompanııalar ózderiniń Qazaqstandaǵy uıaly baılanys aktıvterin biriktirý týraly ýaǵdalasqan edi.
«ALTEL» AQ (ALTEL 4G brendi) men «Mobaıl Telekom-Servıs» JShS-ny (Tele2 brendi) biriktirý negizinde qurylǵan birlesken kásiporyn qysqa merzim ishinde uıaly baılanys naryǵyndaǵy eki kompanııanyń da ustanymyn kúsheıtip, tutynýshylarǵa uıaly qyzmetterdiń jańa múmkindikterin usynabaq.
«Qazaqtelekom» AQ Basqarma tóraǵasy Qýanyshbek Esekeevtiń sózine qaraǵanda, aýqymdy tehnologııalyq jáne kommertsııalyq naryǵy bar jańa kompanııa Qazaqstandaǵy telekommýnıkatsııa naryǵyn básekege qabilettiligin kúsheıtedi. Osy oraıda elimizdiń barlyq aýmaǵynda 4G ınternetin paıdalaný múmkindigi bolady.
Óz kezeginde Tele2 tobynyń prezıdenti, bas atqarýshy dırektory Ellıson Kırkbı kompanııa úshin Qazaqstan naryǵy óte mańyzdy ekenin atap ótti. «Qazaqstannyń uıaly baılanys naryǵynda aıtarlyqtaı turaqty. Biz 2010 jyldan beri bıznesimizdi damytyp kelemiz. Bizdiń maqsatymyz Qazaqstandaǵy telekommýnıkatsııa naryǵynda ekinshi oryndaǵy oıynshy bolýǵa negizdelgen. Atap aıtqanda «Qazaqtelekom» kompanııasymen osy salada eleýli jetistikterge jetýge nıettimiz»,-dedi ol.
Belgili bolǵandaı, «Qazaqtelekom» AQ jáne Tele2 AV birlesken kásiporynǵa tıesili aktsıonerlik kapıtaldyń tıisinshe 51% jáne 49%, sondaı-aq birlesken kompanııanyń daýys beretin aktsııalarynyń 49% jáne 51% ıe bolady. Strategııalyq baqylaýdy qos kompanııa teńdeı negizde júrgizedi. Birlesken kásiporynnyń operatsııalyq qyzmetin baqylaý quqyǵy Tele2 AV kompanııasyna berildi.
