«Qazaqtelekom» AQ óziniń Kcell-degi 49 paıyz úlesin 1,519 mıllıard AQSh dollaryna satty
ASTANA. 2 aqpan. QazAqparat - TeliaSonera «Qazaqtelekom» AQ-nyń Kcell-degi úlesin 1,519 mıllıard AQSh dollaryna satyp aldy,
dep habarlaıdy TeliaSonera baspasóz qyzmeti.
«TeliaSonera «Qazaqtelekom» AQ-nyń Kcell-degi úlesin 1,519 mıllıard AQSh dollaryna satyp aldy. Sonymen qatar qor naryǵynda Halyqtyq IPO jolymen aktsııalar sátti ornalastyrylǵan jaǵdaıda «Qazaqtelekom» AQ qosymsha syıaqyny alýǵa quqyly», - delingen habarlamada.
Aktsııalardy alǵash ornalastyrýǵa daıyndyq bastaldy, ol 2012 jyly ótkiziledi dep kútilýde. Qor naryǵynda alǵash ornalastyrylǵannan keıin aktsııa qunynyń qalaı qalyptasatynyna baılanysty TeliaSonera, «Qazaqtelekom» AQ paıdasyna qosymsha tólem jasaýy múmkin.
«Jabyq kelisimniń nátıjesine jáne sharttaryna bizdiń kóńilimiz tolady. Osylaısha, kelisimnen keıin kompanııanyń aktsıonerlik quny aıtarlyqtaı ósti. Kompanııanyń strategııalyq ınvestorlyq jobalarymyzdyń, sonyń ishinde LTE (4G) jelisin salý jobasynyń sátti júzege asyrylyp jatqandyǵyn negizge ala otyryp, biz budan ári de ınvestorlardyń pozıtıvti kózqarasyna úmit artamyz», - dedi «Qazaqtelekom» AQ basqarma tóraǵasy Qýanyshbek Esekeev.
