«Qazaqtelekom» AQ ótken jylǵy jospardy 126 paıyzǵa oryndady
ALMATY. 17 aqpan. QazAqparat /Názıra Eleýhan/ - «Qazaqtelekom» AQ-nyń ótken jylǵy qyzmet kórsetý kirisi 153 222 mıllıon teńgeni qurady,
2009 jylmen salystyrǵanda kiris 6,4 paıyzǵa ósti, taza tabys 34 314 mıllıon teńge. Jospar 126 paıyzǵa oryndaldy. Aýdıttelmegen qarjy esebi boıynsha, kompanııanyń aktıvteri 373 219 mıllıon teńgege baǵalanýda, jeke kapıtal 238 636 mıllıon teńgeni qurady. Bul málimetter búgin Almatyda atalmysh kompanııanyń basshylary men enshiles uıymdarynyń qatysýmen ótken 2010 jyl qorytyndysyna arnalǵan jıynda aıtyldy.
Ótken jyl qorytyndysy jasalǵannan keıin 2011 jyly atqarylatyn jumystardyń mindeti talqylandy. «Kompanııanyń 2010-2020 jylǵa arnalǵan uzaq merzimdi strategııanyń oryndalýyndaǵy jetýge tıis negizgi maqsat - taza tabysqa tikeleı baılanysty ózindik aktsıonerlik qundy ulǵaıtý bolyp tabylady»,- dedi «Qazaqtelekom» AQ Basqarma tóraǵasy Qýanyshbek Esekeev jıynda.
