«Qazaqtelekom» AQ 2014 jylǵy 1 qańtardan bastap telebaılanys qyzmetiniń tarıfterin tómendetpek

CDMA EVDO tehnologııasy boıynsha ǵalamtor jelisi qyzmetterin qoldaný jaǵdaılaryn jaqsartý maqsatynda aýyl turǵyndary úshin 35%-ǵa, sáıkesinshe, aı saıynǵy tólem deńgeıi Qosymsha qun salyǵymen qosa (ári qaraı - QQS) 2 000 teńgeden QQS-pen qosa 1 300 teńgege deıin jáne QQS-pen qosa 4 000 teńgeden QQS-pen qosa 2 600 teńgege deıin tómendetilmek. Sonymen qatar, 2014 jylǵy 1 qańtardan bastap aı saıynǵy tólem esebine qosylǵan kiris trafıginiń kólemi tıisti tarıftik jospar boıynsha 2 Gbaıttan 3 Gbaıtqa deıin jáne 6 Gbaıttan 7 Gbaıtqa deıin ulǵaıady.

Atalǵan is-sharalar QR Kólik jáne kommýnıkatsııa mınıstrligi Baılanys jáne aqparattandyrý komıteti tóraǵasynyń m.a. aǵymdaǵy jylǵy 5 jeltoqsandaǵy «Telebaılanystyń biregeı qyzmetterine tarıfterdi bekitý týraly» buıryǵyn oryndaý sheńberinde ótkizilýde.

Sondaı-aq, 2014 jylǵy 1 qańtardan bastap «Qazaqtelekom» AQ halyqaralyq telefon baılanystary qyzmetin kórsetý tarıfakatsııa qadamyn 10 sekýndtan 1 sekýndqa ózgertý jónindegi is-sharalardy ótkizedi. Atalǵan ózgerister QR Kólik jáne kommýnıkatsııa mınıstriniń 2012 jylǵy 29 qarashadaǵy «QR Aqparattandyrý jáne baılanys agenttigi tóraǵasynyń 2009 jylǵy 2 aqpandaǵy «Tarıfıkatsııa birlikterin bekitý týraly» buıryǵyna ózgerister engizý týraly» buıryǵyna sáıkes engizilýde.

Osylaısha, 2013 jylǵy 31 jeltoqsanǵa deıin uzaqtyǵy 21 sekýnd sóılesken jaǵdaıda abonent Reseıge - 15 teńge, Qytaı jáne Germanııa - 24 teńge, Ulybrıtanııa - 36 teńge tóleıdi. 2014 jylǵy 1 qańtardan bastap 21 sekýndtan artyq sóılesken jaǵdaıda abonent myna baǵyttarǵa: Reseıge - 9 teńge, Qytaıǵa - 16, Germanııaǵa - 16, Ulybrıtanııaǵa - 25 teńge tóleıdi.

Atalǵan halyqaralyq baılanys kezinde abonent Reseıge 6 teńge, Qytaı jáne Germanııaǵa 8 teńge, Ulybrıtanııaǵa habarlasqanda 11 teńgeni únemdeıdi.