Qazaqtardyń sany 11 mıllıonnan asty - QR Statıstıka agenttigi
ASTANA. 15 mamyr. QazAqparat - QR Statıstıka agenttigi respýblıkadaǵy qazaqtar sanynyń 11 mıllıonnan asqanyn rastady.
Agenttik arnaıy zertteý júrgizip, №11 mıllıonynshy qazaq bolyp dúnıege kelgen sábıdi de anyqtady.
Agenttik tóraǵasy Álıhan Smaıylovtyń habarlaýynsha, 11 mıllıonynshy qazaq ótken jyly 28 jeltoqsan kúni Ońtústik Qazaqstan oblysynyń Qazyǵurt aýdanynda týǵan. Náresteniń aty - Muhtar Abdrahym. Onyń turǵylyqty jeri Qazyǵurt aýdany, Qarabaý aýyly. Anasy Sholpan Kúdirbekova - muǵalim, ákesi Málik Badambaev aýyl sharýashylyǵymen aınalysady. «Jalpy, búgingi málimetke sáıkes, 2013 jyldyń 1 qańtary boıynsha elimizdegi qazaqtardyń sany 11 mln. 1739 myń adamdy qurady», - deıdi Á.Smaıylov.
