Qazaqtar týraly kitap daıyndaý barysynda tarıhshylar birqatar jańalyqtar ashty
ALMATY. QazAqparat - "Qazaqtar. Tarıh jáne mádenıet" atty biregeı kitapty eldiń bir top ǵalymdary men metsenattary baspaǵa ázirledi. Onda 500 jyl aralyǵyndaǵy qazaqtyń ómiri men turmysyn beıneleıtin 1700 sýretimen materıaldar toptastyrylǵan.
"Bul kitaptyń basty qundylyǵy, árıne, bezendirý qory. Ol 15 ǵasyrdan 19 ǵasyrǵa deıin - qazaq halqy tarıhynyń qalyptasý ýaqytynan bastap, barlyq kezeńderin neǵurlym keńinen qamtıdy", dep málimdedi kitap avtorlarynyń biri, tarıh ǵylymdarynyń kandıdaty Qanat Óskenbaev.
Avtorlar bezendirýlerdi eki jyl boıy birneshe elderdiń murajaılary men muraǵattaryn aralap júrip, jınaǵan. «Bul árıne, salt-dástúrdi ustanatyn kezeń XIX ǵasyrdyń aıaǵy - XX ǵasyrdyń basyndaǵy sýretpen berilgen materıaldar. Bul eýropalyq jáne orys jıhangez-sýretshileriniń murasy», - dedi K. Óskenbaev.
Sondaı-aq kóne kartalar men sýretshiler kórmesiniń kóshirmeleri paıdalanyldy. Kitapta qolyna aýshy qus ustaǵan jas sulý boıjetkenniń sýreti berilgen. Taǵy bir jańalyq bıge qatysty. «Kóp ýaqyttan beri qazaqta bı joq dep aıtylyp kelgen», dedi kitap avtory.
Kitaptyń mátinin belgili etograftar N. Baıǵabatov pen R. Beknazarov daıyndaǵan. Kitap qazaq, orys, aǵylshyn tilderinde basylǵan, - osy aıdyń aıaǵynda jaryqqa shyqpaq.
