Qazaqtar men əzerbaıjandardyń Naýryz toılaýynda uqsastyq kóp – Nazım Shıhalıev
Elimizdi meken etken oı-maqsaty ortaq san alýan ult pen ulys ókilderiniń biri – əzerbaıjandar.
Əzerbaıjandyqtardyń Qazaqstanǵa kelý tarıhy da ərtúrli. Biri sonaý HH ǵasyrdyń basynda Qazaqstanǵa jer aýdarylsa, endi biri - Keńes odaǵy kezinde joldamamen kelgender.
Búgingi bizdiń keıipkerimiz de - Əzerbaıjannyń Masaly aýdany Shatyroba aýylynyń týmasy 1970 jyldary KSRO Іshki ister mınıstrliginiń joldamasymen Qazaqstanǵa qonys aýdarǵan.
Qazirgi kezde onyń ınternatsıonaldy otbasy osynda tamyryn tereńge jaıyp, nemere súıip, baqytty ómir súrip jatyr.
Ol Qazaqstandy óziniń ekinshi Otany sanaıtynyn, qazaq halqy – óte meıirban, meımandos, kishipeıil ekenin aıtady.
«Jalpy meniń qazaq halqyna degen qurmetim sheksiz. Sebebi, qazaq halqy óte meıirban halyq. Júregi jomart, kóńili darhan, keń halyq. Elimiz kórkeıip, gúldenip, bir shańyraqta júzdegen ult pen ulys bir úıdiń balasyndaı tatý-tətti ǵumyr keshýdemiz. Osynyń barlyǵy QR Tuńǵysh Prezıdenti – Elbasy Nursultan Nazarbaevtyń syndarly saıasatynyń jemisi dep bilemin. Oblys ortalyǵynda qurylǵan «Əzirbaıjan qaýymdastyǵy» respýblıkalyq qoǵamdyq birlestiginiń ashylǵanyna minekeı, bıyl on úsh jyl tolady. Elimizde týǵan halqymyzdyń mədenıeti men tóltýma ónerin saqtaýǵa keń óris bar. Ulttyq bı úıirmesi, til úıretý sabaqtarynda óskeleń urpaq», - dep qosty Nazım Shıhalıev.
Osy rette ol qazaqtar men əzerbaıjandardyń arasynda kóptegen uqsastyqtar baryn alǵa tartty. Naýryz - qos halyqqa ortaq ulyq meıram.
Əzerbaıjan halqy ózderiniń tilimen aıtqanda «novrýzdy» eń súıikti mereke sanaıdy. Eski jyldyń sońǵy sərsenbisi, ıaǵnı, «ahyr chershenbe» kúninen bastap jańa jyl qamyna kirisedi.
Sol kúni úı men ydys-aıaǵyn tazalap, qaıtys bolǵan týystaryna duǵa etedi.
Al, jańa jyl kirgen kúni erte turyp, ózenge nemese bulaq basyna baryp, shomylady. ıAǵnı, jańa jyldyń birinshi kúnin taza nıetpen, aq peıilmen qarsy alady.
Sondaı-aq, bul kúni əzerbaıjandyqtar orazasyn balmen nemese qantpen ashady. Aldaǵy ómirimiz bal men sheker syndy tətti bolsyn degen nıetten.
«Merekeniń qýanyshymen-aq ótip ketetin jańa jyldyń alǵashqy kúnin ázirbaıjan halqy da túrli as qoıylǵan aq dastarhanmen qarsy alady. As məzirinen «ıedı-levın» taǵamy da qalyspaıdy. Bul taǵamnyń bizdiń naýryz kójemizge uqsastyǵy bar. Oǵan da jeti túrli dəm qosylady. Jalpy, bizdiń dastarhan məzirimiz de uqsas. Ərdaıym kópshilikke aq dastarhan basyndaǵy adal asyn usynatyn qazaqtar tərizdi ázerbaıjan halqynyń jomart dastarhany da ulttyq taǵamdardyń kóptiginen qaıysyp turady. Sóz sońynda barsha zamandastarymyzdy naqyshty Naýryz merekesimen quttyqtaımyn. «Novrýz baıramynyz mýbarek olsýn! Qazaqstan halgy hoshbaht olsýn!» degim keledi», - dep túıindedi «Əzerbaıjan qaýymdastyǵy» respýblıkalyq qoǵamdyq birlestigi Kókshetaý qalalyq fılıalynyń tóraǵasy Nazım Shıhalıev.
