«Qazaqtar batystaǵylardyń tanymyn túzetti» – respýblıkalyq basylymdarǵa sholý
ASTANA. Qazannyń 7-i. QazAqparat - Qazaq aqparat agenttigi respýblıkalyq basylymdarda qazannyń 7-si, beısenbi kúni shyqqan ózekti materıaldarǵa sholýdy usynady.
«Aıqyn» gazetiniń búgin shyqqan aptalyq nómirinde «Qazaqtar batystaǵylardyń tanymyn túzetti» degen taqyrypta maqala jarııalandy. «Eýropadaǵy qaýipsizdik jáne yntymaqtastyq uıymynyń tarıhynda onyń «eki shylbyr, bir tizginin» bir jyl boıy ustaǵan elderdiń sany kóp, tipti olardyń tolyq tizimin uıymnyń resmı saıtynan da tabý qıyn. Áıtkenmen, sonaý 1999 jyly Túrkııa eýropalyq osynaý beldi uıymǵa óshpes iz qaldyrǵanyn osy taqyrypqa mamandanǵan sarapshylardyń bári biledi. Qupııasy nede dersiz?. Óıtkeni osydan 11 jyl buryn Ystambulda EQYU-nyń joǵary deńgeıdegi sammıti ótken. Endi uıym tarıhynda Qazaq eliniń aty altyn áriptermen jazylyp qalǵaly otyr», deıdi maqala avtory. Bul materıal jaıynda tolyq bilgińiz kelse «Aıqyn aptanyń» búgingi nómirin jiberip almańyz.
Sondaı-aq osy basylymnyń habarlaýynsha, halyq qalaýlylary ulttyq zańnamaǵa eldi eleń etkizer jańalyq engizgeli otyr. Keshe jalpy otyrystaryna jınalǵan Májilis depýtattary saýda qyzmetin retteý máseleleri boıynsha birqatar zańnamalyq aktilerdi túzetin jobany maquldady. Jobaǵa sáıkes, Májilis depýtattary el Úkimetine áleýmettik mańyzy bar azyq-túlik túrleriniń bólshek saýda baǵasyn memlekettik retteýdi usynyp otyr. ıAǵnı osyndaı tizimge engen barlyq ónimderdiń jeke qunynyń ulyqsat etilgen shegi bekitilýi tıis. Al «áleýmettik mańyzdaǵy azyq-túliktik taýarlardyń bólshek saýda baǵasynyń ulyqsat etilgen sheginen asyp ketken tulǵalarǵa qatysty ákimshilikti jaýapkershilik» qarastyrylýy múmkin. Sondaı-aq qalaýlylar áldebir kásipkerdi taýarymen jibermeı qoıǵan saýda jelilerin nemese iri saýda nysandaryn da jazalaýdy usynýda. Bul másele jóninde «Aıqyn apta» basylymynyń búgingi sanyndaǵy «Nan baǵasyn depýtat belgileı me?» atty maqaladan bile alasyzdar.
***
«Ádilet» demokratııaly partııasynyń bastamasymen ótken partııaaralyq keńeste kóterilgen máseleler jóninde jazǵan «Nur Astana» basylymynyń habarlaýynsha, elimizdiń zeınetaqy júıesine ózgeris engizý qajet. «Ádilet» partııasynyń jetekshisi Maqsut Nárikbaevtyń sózine qaraǵanda, memleketimizdiń áleýeti qazirgideı kúsheıgen, ekonomıkalyq turǵyda nyǵaıǵan kezeńde zeınetkerlerdiń alyp júrgen zeınetaqylary óte tómen. Bul týraly «Nur Astana» basylymynyń búgingi sanyndaǵy «Zeınetaqy júıesine ózgeris qajet» atty maqalada egjeı-tegjeıli baıandalǵan.
Sondaı-aq osy basylymnyń búgingi sanyndaǵy «Qaýipsizdik keńistiginen - qaýymdastyǵyna» degen taqyryppen berilgen maqalada EQYU-ǵa tóraǵalyq etken 9 aı ishinde Qazaqstannyń tıimdi basqarý qabileti men múmkindikteri aıtarlyqtaı kórinis bergeni aıtylady. EQYU tóraǵasynyń bastamasy, ıaǵnı Qyrǵyzstandaǵy jaǵdaıdy retteýge, baýyrlas qalpaqty aǵaıynǵa ózi ǵana kómek qolyn sozyp qana qoımaı, ózgelerdi tartý arqyly Ortalyq Azııada tutanyp kete jazdaǵan úlken qaqtyǵysty boldyrmaýǵa kúsh salýy, Qarabaq jaǵdaıyn retteýge atsalysýy, Aýǵanstan máselelerin sheshýge belsene aralasýy ózge elder tarapynan joǵary baǵalandy. Elimizdiń halyqaralyq uıymǵa tóraǵalyǵy tusynda atqarǵan isteri men qol jetkizgen jetistikteri jóninde «Nur Astana» basylymynyń búgingi sanyndaǵy joǵarydaǵy maqaladan bile alasyzdar.
***
«Astana aqshamy» basylymynyń jazýynsha, elimizde jel energetıkasyn damytýdyń mańyzy zor. Birinshiden, jel energetıkasy jaǵatyn otynnyń baǵasyna táýelsiz, taýsylmaıtyn energııa qoryna negizdelgen. Zııandy zattar men parnıktik gazdardan da ada, taza ekologııalyq qýat kózi. Atalmysh energııa kóziniń birneshe ǵasyr kóleminde jergilikti klımat pen jel kúshi erekshelikterine qaraı jetildirilgen túrleri jáne jelqondyrǵylarynyń damyǵan álemdik naryǵy bar. Atalmysh salanyń ınvestorlar úshin de tartymdylyǵy zor. Sebebi, bul salada áli iri memlekettik kompanııalardyń basymdyǵy joq. Sol sebepti jańa naryq sektoryna irili-usaqty ártúrli deńgeıdegi kompanııalar qatysa alady. Atalmysh máselemen «Astana aqshamynyń» búgingi sanyndaǵy «Jel qýatyn jaratqanymyz jón» atty maqaladan tanysýǵa bolady.
***
«Almaty aqshamy» basylymynyń búgingi nómirinde «Aqparattyq tehnologııalar qazaqsha sóıleıdi» atty maqalada jarııalanǵan. Maqalada: « Qazaqstan búginde tranzıttik memleketke aınalyp keledi. Sondyqtan úsh tildi qýamyz dep shyǵynǵa batyp, tipti kúlkili jaǵdaıǵa qalamyz. Eger latyn álippesine kóshsek, joldaǵy jazbalar, qala, aýdan, aýyl ataýlary, kólikke jáne ózge de ataýlarǵa baılanysty jazýlar tek memlekettik tilde jazylar edi. Bul jazýlar latynsha barlyǵyna da túsinikti jáne de halyqaralyq standarttarǵa sáıkes bolar edi!», delingen. Osy maqala jaıynda bilgińiz kelse «Almaty aqshamy» gazetiniń búgingi sanyn jiberip almańyz.
***
«Kazahstanskaıa pravda» basylymynyń jazýynsha, Qazaqstan EQYU-ǵa tóraǵa retinde 2010 jyly atalmysh uıymnyń aýǵandyq strategııasyn usyndy. Ol negizinen úlken áskerı emes gýmanıtarlyq baǵyttaǵy jobalardy júzege asyrýdy kózdeıdi. Óz kezeginde atalmysh sharalar Aýǵanstandaǵy jaǵdaıdy retteýge úlken septigin tıgizip, ondaǵy ahýaldy ońaltady dep kútilýde. Bul týraly «Kazahstanskaıa pravda» basylymynyń búgingi sanynda berilgen «Afganskıı vektor OBSE» atty maqaladan bilýge bolady.
