Qazaqtar Argentınadaǵy «Ekstremaldar» halyqaralyq jobasyna qatysady
ASTANA. 20 jeltoqsan. QazAqparat - Keler jyly qazaqstandyqtar alǵash ret «Ekstremaldar» halyqaralyq jobasyna qatysyp, júldeli oryn úshin talasatyn bolady.
Bul týraly "Ekspress-K" gazetinde basylǵan «Argyny ı Argentına» maqalasynda (avtor Tatıana Aladına) jazyldy.
Іrikteý kezeńi aıaqtaldy, jýyrda qazylar alqasy 20 úmitkerdiń esimderin ataıdy. Olar aqpannyń basynda Argentınany baǵyndyrýǵa attanady.
«Ekstremaldar» shoýy kóptegen elderde kórsetiledi. Álemniń túkpir-túkpirindegi komandalar ózderiniń barlyq qorqynyshtaryn jeńý jáne óz mysalynda adam kez kelgen kedergiden óte alatyndyǵyn dáleldeý úshin Argentınaǵa keledi. Astana men Almatyda birneshe kún boıy kópshilikke kúlki bolýǵa qoryqpaıtyndar úshin kastıng ótti. Ekstremaldar uzyn-sonar kezekke turdy, árqaısysy qazylar alqasyn erekshe nómirlerimen jáne shynyqqan dene bitimderimen tańǵaldyrýǵa tyrysty.
