Qazaqtar amerıkalyq tanymal reper Snoop Dogg-qa shapan japty
ASTANA. KAZINFORM – Keshyou qyzdar toby álemge áıgili amerıkalyq repermen kollaboratsııa jasamaq.
Olar Instagram jelisinde «Qazaqtar Snýp Dogty qazaqtyń ulttyq kıimimen tanystyrdy» degen jazba qaldyrǵan.
Sondaı-aq, Keshyou tobynyń prodıýseri Baıan Alagózova da áleýmettik jelide jazba jarııalady.
«Qyzyǵýshylyqty sońyna deıin qaldyrǵymyz kelgen, biraq Snoop Dogg muny biz úshin jasady. Snýpı, sen ańyz adamsyń! Meniń qurmetti oqyrmandarym, sizderden lúpil (laık) basýdy, árıne bizdiń týymyzdy qaldyrýdy suraımyn. Álem bizdiń qyzdarymyzdy tanýy kerek, olar shynymen keremet emes pe?!!! Aıda, qymbatty qurbym, Snýpqa seniń shapanyń men bas kıimiń unady jáne ony vıdeoda máńgi este qaldyrdy», - dedi elge tanymal prodıýser.
Odan bólek, qazaqtyń shapanyn kıgen amerıkalyq reper áleýmettik jelidegi jeke paraqshasynda jarııalanymdy bólisti.
