Qazaqtanda 1035 QHA Qoǵamdyq kelisim keńesi qurylǵan

ASTANA. QazAqparat - Qazaqstanda 2013 jyldyń mamyr aıynan bastap barlyq óńirlerde 1035 Qazaqstan halqy assambleıasynyń Qoǵamdyq kelisim keńesteri quryldy. Bul týraly búgin OKQ-de otken brıfıngte QR Prezıdenti ákimshiligi Qazaqstan halqy Assambleıasy Hatshylyǵynyń sektor meńgerýshisi Názıpa Shanaı aıtty.

«Qazaqstanda 2013 jyldyń mamyr aıynan bastap 1035 QHA Qoǵamdyq kelisim keńesi quryldy. Oblystar boıynsha aıtar bolsaq, Almaty oblysynda - 271, Aqmolada - 266, OQO-da - 197, ShQO-da 163 jáne basqa da óńirlerde osy shamalas mólsherde keńester ashylǵan bolatyn. Olar oblystan bastap, aýdan, aýyl deńgeıine deıingi aýmaqty qamtıdy. Sonymen qatar, mundaı keńester iri ónerkásip oryndarynda da ashylady. Mine, dál osy dıalog alańdary arqyly biz memleket pen halyq arasyndaǵy tyǵyz baılanysty odan saıyn bekite túspekpiz», - dedi N. Shanaı.

Onyń aıtýynsha, keńester el Prezıdenti aıqyndap bergen jalpyhalyqtyq, ishki saıası múddelerden bıik jáne qoǵamdyq kelisim ınstıtýttary retindegi jańa róline sáıkes QHA aıasynda qurylǵan.

«Keńester óńirlik ákimdikter janyndaǵy konsýltatıvti-keńesshi organ retinde qyzmet isteýde. Onyń quramyna ardagerler uıymdarynyń, saıası partııalardyń, qoǵamdyq pikir kóshbasshylarynyń, ǵylymı jáne shyǵarmashylyq ıntellıgentsııanyń, úkimettik emes uıymdardyń, memlekettik organdardyń ókilderi engen», - deıdi N. Shanaı.

Aıta keteıik, erteń Astanada QR Prezıdenti janyndaǵy Memlekettik basqarý akademııasy ǵımaratynda Qoǵamdyq kelisim keńesteriniń respýblıkalyq semınary ótedi. Іs-shara barysynda Keńesterdi odan ári damytý, qoǵamdyq turaqtylyqty nyǵaıtý, etnosaralyq toleranttylyq pen qoǵamdyq kelesimniń qazaqstandyq úlgisin jetildirý máseleleri talqylanyp, óńirler arasynda tájirıbe almasý men tanystyrylymdar ótedi, áleýemttik zertteýler jáne memlekettik organdarmen ózara is-qımyl nátıjeleri qaralatyn bolady.