Qazaqtan men Ózbekstan ózara taýar aınalymyn 5 mlrd dollarǵa jetkizýge ýaǵdalasty
«Qazaqstan saýda-ekonomıkalyq salany qosa alǵanda Ózbekstannyń eń mańyzdy seriktesteriniń qataryna kiredi. Bizdiń ortaq kúsh-jigerimiz aǵymdaǵy jyldyń qańtar-tamyzynda ózara saýdanyń artýyn qamtamasyz etip, ol shamamen 35 paıyzǵa ósti jáne osyǵan deıin bolmaǵan 1,3 mlrd dollarlyq kórsetkishke jetkenin shynaıy qanaǵattanýshylyqpen atap ótemin. Nursultan Ábishuly Nazarbaevpen bul sandy jyldyń sońyna deıin 2 mıllıardqa jetkizý máselesin kóterdik. Biraq keleshekte bul kórsetkishti 5 mlrd dollarǵa deıin jetkizý týraly úkimtaralyq komıssııa basshylarynyń aldyna naqty mindet júktedik», - dedi Ózbekstan prezıdenti.
Sonymen qatar ol atalǵan kórsetkishke qol jetkizýge eki eldiń áleýeti tolyq jetetindigin, oǵan ásirese óńiraralyq yntymaqtastyq zor úles qosa alatyndyǵyn aıryqsha atap ótti.
«Sońǵy jyldary qol jetkizgen jetistikterimiz bizderdiń qorlarymyz óte kóp ekendigin jáne olardyń shynaılyǵyn bildiredi. Búgin biz Úkimet basshylaryna saýda kólemin odan ary arttyrý, onyń ataýyn keńeıtý, syrtqy saýda júkteriniń tranzıti úshin yńǵaıly shart jasaý, óńirler jáne iskerlik toptar arasyndaǵy yntymaqtastyqty damytý boıynsha máselelerdi tyńǵylyqty qarastyrýdy tapsyrdyq», - dedi Shavkat Mırzıeev.
