Qazaqta 120-dan astam ulttyq aspap bar

ASTANA. KAZINFORM – Astana qalasynda jańadan ashylǵan óner murajaıyna 1600-den astam ulttyq aspap qoıylǵan. Mýzeıge qoıylǵan ulttyq aspaptardy jasaý úshin 15-ke jýyq sheber jumys istepti.

– Bizdiń kez kelgen qazaqqa “Qazaqtyń qansha ulttyq aspaby bar?” degen suraq qoısaq, ári ketse 5-6-yn sanap berer. Biraq bizge deıin ǵalymdardyń túgendep ketken aspaptaryn sanaǵanda 120-dan astam ulttyq aspabymyz shyǵady. Máselen, bir ǵana urmaly aspaptardyń 22 túri bar. Biz ony ǵalymdarymyzdyń eńbekteri arqyly dáleldep, sol eńbekterge súıenip qurastyryp, jazda Almatydaǵy Qazaq ulttyq konservatorııasyna tegin tabystadyq. Buny stýdentterge nasıhattaý úshin istedik, – deıdi Astana qalasy Mádenıet basqarmasy birlesken mýzeıler dırektsııasy óner mýzeıiniń basshysy Baıandy Saharııauly.

Mýzeıde besaspap sheberler qyzmet etedi eken.

– Bul aspaptardy jasap shyǵý úshin 15-ke jýyq adam jumys istedi. Bizdegi jigitter jaı ǵana aspapta oınamaıdy. Sol aspaptardy jasaı da alady. Oǵan qosa, sol aspapty nasıhattaý úshin shyǵarma da jazady, – deıdi murajaı basshysy.