Qazaqstansyz «Bir beldeý-bir jol» bastamasyn júzege asyrý múmkin emes - Qasym-Jomart Toqaev
ASTANA. QazAqparat - Qazaqstannyń qatysýynsyz qytaılyq «Bir beldeý-bir jol» bastamasyn júzege asyrý múmkin emes. Bundaı pikirdi Astana klýbynyń úshinshi otyrysy aıasyndaǵy paneldik sessııa jumysynda QR Senatynyń tóraǵasy Qasym-Jomart Toqaev málim etti, dep habarlaıdy QazAqparat.
«Meniń oıymsha, Qytaıdyń «Bir beldeý-bir jol» bastamasy mańyzdy ról atqarady jáne bizdiń strategııada mańyzdy orynǵa ıe bolmaq. Birinshi kezekte, bul uzaq merzimge negizdelgen úılestirilgen strategııa. Bul strategııanyń álemniń osy bóliginde Qazaqstannyń tıisti deńgeıde qatysýynsyz júzege asýy ekitalaı. «Bir beldeý- bir jol» bastamasyna laıyqty deńgeıde nazar aýdarǵan jón dep bilemin», - dedi Senat Tóraǵasy.
Onyń paıymynsha, qytaılyq bastama - ol aýqymdy strategııa. Sondyqtan bul bastama tek osy óńirde ǵana emes, sonymen qatar barsha álemde saıası kúshter men ekonomıkalyq faktorlardyń ózara qatynasyn tolyqtaı transformatsııalaıdy.
«Árıne, Eýropa da mańyzdy oıynshy ekeni anyq. Árdaıym Qytaıdyń strategııalyq bastamasyn talqylaý kezinde biz Eýropanyń mańyzdylyǵyn atap ótemiz», - dep túıindedi sózin Q. Toqaev.
