Qazaqstan–Serbııa: strategııalyq salalar boıynsha birqatar memorandýmǵa qol qoıyldy
ASTANA. KAZINFORM — Kelissóz qorytyndysy boıynsha Prezıdent Qasym-Jomart Toqaev pen Prezıdent Aleksandr Výchıch Birlesken málimdeme qabyldady, dep habarlaıdy Aqordanyń baspasóz qyzmeti.
Memleketter basshylarynyń qatysýymen vedomstvoaralyq qujattar almasý rásimi ótti:
1. Qazaqstan Respýblıkasy Densaýlyq saqtaý mınıstrligi men Serbııa Respýblıkasy Densaýlyq saqtaý mınıstrligi arasyndaǵy densaýlyq saqtaý salasy boıynsha yntymaqtastyq týraly memorandým;
2. Qazaqstan Respýblıkasy Bas prokýratýrasy men Serbııa Respýblıkasy Ádilet mınıstrligi arasyndaǵy áriptestik jáne yntymaqtastyq týraly memorandým;
3. Qazaqstan Respýblıkasy Jasandy ıntellekt jáne tsıfrlyq damý mınıstrligi men Serbııa Respýblıkasy Aqparat jáne telekommýnıkatsııa mınıstrligi arasyndaǵy ózara túsinistik týraly memorandým;
4. Qazaqstan Respýblıkasy Jasandy ıntellekt jáne tsıfrlyq damý mınıstrligi men Serbııa Respýblıkasy Aqparattyq tehnologııalar jáne elektrondyq úkimet keńsesi arasyndaǵy tsıfrlandyrý jáne elektrondyq úkimetti damytý salasy boıynsha yntymaqtastyq jónindegi ózara túsinistik týraly memorandým;
5. Qazaqstan Respýblıkasy Aýyl sharýashylyǵy mınıstrligi men Serbııa Respýblıkasy Aýyl, orman jáne sý sharýashylyǵy mınıstrligi arasyndaǵy veterınarııa salasy boıynsha yntymaqtastyq jónindegi ózara túsinistik týraly memorandým;
6. Qazaqstan Respýblıkasy Ǵylym jáne joǵary bilim mınıstrligi men Serbııa Respýblıkasy Ǵylym, tehnologııalyq damý jáne ınnovatsııalar mınıstrligi arasyndaǵy ózara túsinistik týraly memorandým;
7. Qazaqstan Respýblıkasy Mádenıet jáne aqparat mınıstrligi men Serbııa Respýblıkasy Mádenıet mınıstrligi arasynda kıno salasy boıynsha yntymaqtastyq jónindegi ózara túsinistik týraly memorandým;
8. Qazaqstan Respýblıkasy Mádenıet jáne aqparat mınıstrligi men Serbııa Respýblıkasy Mádenıet mınıstrligi arasynda materıaldyq emes mádenı murany qorǵaý salasy boıynsha yntymaqtastyq jónindegi ózara túsinistik týraly memorandým;
9. «KAZAKH INVEST» UK» AQ men Serbııa damý agenttigi arasyndaǵy ózara túsinistik týraly memorandým;
10. Qazaqstan Respýblıkasy Prezıdentiniń janyndaǵy Memlekettik basqarý akademııasy men Serbııa Respýblıkasy Dıplomatııalyq akademııasy arasyndaǵy yntymaqtastyq týraly memorandým.
Eske salsaq, keshe Serbııa Prezıdenti Aleksandr Výchıch Astanaǵa resmı saparmen keldi.
Búgin Aqordada Memleket basshysy Qasym-Jomart Toqaev elimizge resmı saparmen kelgen Serbııa Prezıdenti Aleksandr Výchıchti qarsy aldy.
Toqaev Serbııa Qazaqstan úshin Eýropadaǵy mańyzdy strategııalyq seriktes ekenin atap ótti.
Sonymen qatar, ol Serbııa kásipkerlerine qolaıly jaǵdaı jasaýǵa daıyn ekenin alǵa tartty.
Qazaqstan men Serbııa beıbit atom energetıkasy boıynsha tájirıbe almasý múmkindigin qarastyratyny aıtyldy.