Qazaqstannyń jyl sońyna deıin Qytaıdan kólikpen júk tasymaldaýǵa 7 myń ruqsaty bar
ASTANA. QazAqparat - Qazaqstannan Qytaıǵa avtomobılmen júk tasymaldaýǵa arnalǵan 7000-ǵa jýyq ruqsattama blankisi jyl sońyna deıin beriledi.
Bul jaıynda QUR Investıtsııalar jáne damý mınıstrliginen málim etti, dep habarlaıdy QazAqparat.
«2017 jyldyń basynda Qazaqstan men Qytaı avtomobılmen tasymal jasaýǵa arnalǵan 50 myń ruqsattama blankilerimen almasqan bolatyn. 20 qarashadaǵy derekke sáıkes qazaqstandyq tasymaldaýshylar 43146 blankini paıdalandy», - delingen mınıstrlik aqparatynda.
QR IDM Kólik komıteti ruqsattamany berý jónindegi memlekettik qyzmet avtomattandyrylǵanyn jáne aqysyz ekenin atap ótýde. Tasymaldaýshylar atalǵan blankilerdi elicense.kz portalynyń kómegimen ala alady. Tapsyrystan keıin ruqsatnama blankisin berý týraly sheshim eki kún ishinde qabyldanady.
Ruqsattamalardy taratý tasymaldaýshynyń jyljymaly quramynyń sanyna, komıtettiń aımaqtyq organdaryndaǵy qaıtarylǵan jáne qalǵan blankiler sanyna baılanysty.
