Qazaqstannyń JOO-larynda HQKO arqyly qyzmetter alý negizderi oqytylady

ASTANA. QazAqparat - Aldaǵy oqý jylynda «Halyqqa qyzmet kórsetý ortalyqtary arqyly memlekettik qyzmetter usyný negizderi» elektıvti páni T.Rysqulov atyndaǵy ýnıversıtetiniń, E.Bóketov atyndaǵy Qaraǵandy memlekettik ýnıversıtetiniń jáne A.Myrzahmetov atyndaǵy Kókshetaý ýnıversıtetiniń stýdentterine oqytylatyn bolady.

Bul týraly «HQKO» MKK baspasóz qyzmetinen habarlady.

«Atalǵan pán 2013 jyly «Turan-Astana» ýnıversıtetinde jáne T.Rysqulov atyndaǵy QazEÝ Ekonomıkalyq kolledjiniń «Zańtaný», «Menedjment» jáne «Memlekettik jáne jergilikti basqarý» fakýltetteriniń 1 jáne 2 kýrs stýdentterine oqytyldy. Sabaqtardy «HQKO» RMK Astana jáne Almaty qalalary boıynsha fılıaldarynyń qyzmetkerleri júrgizdi. Jańa oqý jylynda osy oqý oryndarynda pánniń akademııalyq saǵattar sany 3 esege artqaly otyr», - delingen habarlamada.

Baǵdarlama aıasynda stýdentter halyqqa qyzmet kórsetý ortalyqtarynda qandaı qyzmetter alýǵa bolatyndyǵyn, elektrondyq nysanda memlekettik kórsetiletin qyzmetter alýdyń basymdyǵy týraly bile alatyn bolady, egov.kz portalynyń múmkindikterimen, ETsQ qoldaný tártibimen tanysady. Elektıvti pánniń mazmuny kásibı qyzyǵýshylyqtardy qanaǵattandyrýǵa, HQKO-lar jáne elektrondyq úkimet portaly týraly bilimdi tájirıbe júzinde qoldaný daǵdylaryn ıgerýge múmkindik beredi.

Stýdentterden bólek, HQKO-lar qyzmetterin uıymdastyrý máseleleri boıynsha biliktilikti arttyrý, ınspektorlardyń memlekettik kórsetiletin qyzmetter usyný talaptary men sapasyn arttyrý maqsatynda HQKO bólimderiniń 100 basshysy oqytýdan ótedi. HQKO qyzmetkerlerine iriktep alynǵan JOO oqytýshylar quramy sabaq beretin bolady. Jyl saıyn HQKO qyzmetkerleri QR zańnamasyn, memlekettik qyzmetter kórsetý standarttary men reglamentterin bilýge tekseristen ótetindigi barshamyzǵa málim.