Qazaqstannyń joǵary oqý oryndarynyń eń úzdik 1000 stýdenti Ýnıversıadanyń alaý ustaýshylary atanady
ALMATY. QazAqparat - Almatyda erteń - 1 qyrkúıekten bastap, 28-shi Búkilálemdik qysqy Ýnıversıadanyń alaýyn ustaýshylardy irikteý bastalady.
Bul týraly búgin Almatyda 2017 jylǵy qysqy Ýnıversıadany uıymdastyrý jáne ótkizý boıynsha Dırektsııadaǵy baspasóz máslıhaty barysynda jarııa etildi. Іs-sharaǵa sýǵa júzýden Rıo Olımpıdasynyń chempıony Dmıtrıı Balandın qatysty.
Oǵan Dırektsııa jetekshisi Naıl Nurov 2017 jylǵy 28-shi Búkilálemdik qysqy Ýnıversıadanyń elshisi ekenin rastaıtyn sertıfıkat pen alaý ustaýshy formasyn saltanatty jaǵdaıda tabys etti.
«Alaýdy alyp júretinder tek olımpıadashylar ǵana emes, negizgi basymdyq JOO stýdentterine beriledi. Alaý ustaýshy ataný úshin 17-28 jas aralyǵyndaǵy eń úzdik stýdentter tańdalady. Olardyń arasynda tek úzdik oqıtyn stýdetter ǵana emes, jas ǵalymdar, áleýmettik ómirge belsene qatysatyn stýdentter jáne basqa da jastar bolýy múmkin. Negizi, basymdyq sport, ǵylym jáne mádenıet salasynda ózin kórsetken stýdentterge berildi», - dedi N. Nurov.
Sonymen qatar, ol búgingi sharaǵa belgili sebeptermen qatysa almaǵan Darıǵa Shákimovaǵa da sertıfıkat pen alaý alyp júrýshi formasy beriletindigin aıtty. Demek, 1000 stýdenttiń ekeýi belgili boldy. Olar - Dmıtrıı Balandın men Darıǵa Shákimova.
Al erteń, 1 qyrkúıekten bastap, estafetaǵa qatysýǵa nıet bildirgen kez kelgen azamat almaty2017.com saıtyna kirip, sondaǵy saýalnamany toltyra alady. Baıqaý qorytyndysy 2016 jyldyń 16 jeltoqsanynda shyǵady.
Aıta ketelik, Qazaqstandaǵy qysqy Ýnıversıadanyń alaý estafetasy 2017 jyldyń 25-shi qańtarynda bastaý alady. Bul kúni elimizdiń barlyq oblys ortalyqtarynda jáne Astana men Almaty qalalarynda tutandyrylady. Árbir aımaqtyń stýdentterine óz óńiriniń alaýyn ózindik bir erekshe jolmen, ádispen tutandyrýǵa múmkindik beriledi. Mundaı shara óńirdegi stýdenttik ómirdiń ortalyǵy bolyp sanalatyn joǵary oqý oryndarynyń birinde júzege asyrylady. Odan keıin, alaý aımaq ókiliniń alyp júrýimen oblys ortalyǵy boıynsha saıahatyn aıaqtap, Almatyǵa jetkiziledi. Munda barlyq 16 alaý qosylyp, Ýnıversıadanyń ashylý saltanatynyń naqty sátinde úlken ot shoǵyna aınalady.
Estafeta Alaýy kezinde sapaly, jeńil shyraqtar qoldanylady. 
