Qazaqstannyń joǵary oqý oryndarynda jarty mıllıonnan astam stýdent bilim alýda
ASTANA. 20 qańtar. QazAqparat /Rýslan Ǵabbasov/ - 2011-2012 oqý jylyndaǵy Qazaqstandaǵy joǵary oqý oryndarynyń statıstıkasy shyǵaryldy.
QR Statıstıka agenttiginiń málimetine qaraǵanda, 2011/2012 oqý jylynyń basynda Qazaqstan Respýblıkasynda 146 joǵary oqý orny (budan ári - JOO) jumys istedi, ondaǵy stýdentterdiń jalpy sany 629 507 adamdy qurady. JOO-nyń jalpy sanynyń 53-i memlekettik bolyp tabylady, olarda 311 333 adam bilim alady nemese barlyq JOO túrlerinde oqıtyndardyń - 49,5 paıyzy. Stýdentterdiń jalpy sanynyń 58,2 paıyzyn - qyzdar, 41,8 paıyzyn - jigitter quraıdy.
Memlekettik bilim granttarynyń esebinen 134 036 adam oqıdy nemese stýdentterdiń jalpy sanynyń - 21,3 paıyzy. Memlekettik bilim tapsyrysynyń esebinen 11 181 adam (1,8 paıyzy), al aqyly negizde - 484 290 adam (76,9 paıyzy) bilim alady.
360 894 stýdent (57,3 paıyzy) oqytýdyń kúndizgi túri boıynsha tálim alady, 259 531 adam nemese 41,2 paıyzy - syrttaı, 9 082-si (1,4 paıyzy) - keshki túri boıynsha oqıdy.
Memlekettik tilde oqıtyn stýdentterdiń sany 342 593 adamdy (54,4 paıyzy) qurady. JOO-da oqytý qazaq tilinde oqytýmen qatar orys, aǵylshyn, arab jáne nemis tilderinde júrgiziledi.
2011/2012 oqý jylynyń basyna respýblıkanyń JOO-da 85-ten astam ult ókilderi oqydy. Ondaǵy qazaqtardyń úles salmaǵy 78,3 paıyzdy, orystar - 14,6 paıyzdy qurady, ózbekter, ýkraındar, tatarlardyń sany 0,8-1,5 paıyz aralyǵynda, atalmaǵan ózge ulttar - 3,8 paıyz boldy.
Atalǵan oqý jylynda oqytýǵa jáne daıyndaýǵa 197 228 stýdent qabyldandy, bul 2010/2011 oqý jylyna qaraǵanda 4 329 adamǵa nemese 2,2 paıyzǵa artyq.
2011/2012 oqý jylynda JOO-lardy 160 934 maman bitirip shyqpaq. Bul 2010/2011 oqý jylymen (161 964 adam) salystyrǵanda 0,6 paıyzǵa kem. Bakalavrlardyń sany 597 040 adamdy, joǵary arnaıy bilim alyp jatqandardyń sany 31 494 azamatty quraıdy.
Respýblıkanyń JOO-da oqıtyn stýdentterdiń jalpy sanynda edáýir úles salmaq kelesi mamandyqtarǵa tıesili: áleýmettik ǵylymdar jáne bıznes - 24,7 paıyz, pedagogıkalyq mamandyqtar - 23 paıyz, tehnıkalyq ǵylymdar men tehnologııalar - 20,4 paıyz.
Shtatta turatyn professorlyq-oqytýshylyq quramnyń sany 40 531 adam, qosa atqarýshylyq qyzmet boıynsha 6 322 oqytýshy jumys isteıdi. Professor-oqytýshy qyzmetkerlerdiń 9 paıyzy ǵylym doktory, 36,3 paıyzy - ǵylym kandıdaty, 6,6 paıyzy - professor jáne 17,8 paıyzynda - dotsent ǵylymı dárejesi bar. Magıstrdiń akademııalyq dárejesi bar oqytýshylardyń sany 6 057 adam nemese (14,9 paıyzy), fılosofııa doktory (PhD) - 473 adam nemese 1,2 paıyzǵa jetip otyr.
Joǵary oqý oryndarynyń barlyq ǵımarattarynyń jalpy aýdany 5 039,3 myń sharshy metrdi, al oqý-zerthanalyq ǵımarattardyń jalpy aýdany - 2 877,9 myń sharshy metrdi quraıdy.
